جازعى كانيكۋل كەزەڭىندە الماتى قالاسى اكىمدىگى ءحاوت ساناتىنداعى بالالارعا ارنالعان ورتالىق مادەنيەت جانە دەمالىس ساياباعىندا اتتراكسيوندارىن تەگىن پايدالانۋ ماسەلەسىن پىسىقتادى، دەپ حابارلايدى almaty-akshamy.kz
ءتيىستى ۇسىنىستى ساياباق اكىمشىلىگى قولدادى. سونىمەن، ساياباقتا اتتراكسيوندارعا تەگىن كارتوچكالار بەرۋ تۋرالى شەشىم قابىلداندى. بۇل اكسيا الماتى تۇرعىندارى ءۇشىن قولجەتىمدى.
انىقتاما: وسى اكسيامەن ءحاوت (حالىقتىڭ الەۋمەتتىك وسال توپتارى) ساناتىنداعى 22 مىڭ بالانى قامتۋ جوسپارلانۋدا.
بۇل كارتالار كەز-كەلگەن اتتراكسيوندار مەن كارۋسەلدەرگە، سونىڭ ىشىندە بارلىعىنىڭ سۇيىكتى «سەپوچكا»، «كولەسو وبوزرەنيا» جانە كاتامارانمەن جۇرۋگە مۇمكىندىك بەرەدى. اتتراكسيونداردى تەگىن پايدالانۋ 15 شىلدەدەن باستاپ قول جەتىمدى بولادى.
كارتوچكالاردى الۋ ءۇشىن «التىن تاراز» ج ش س كەڭسەسىنە گوگول كوشەسى، 1 مەكەنجايى بويىنشا (ومجس اۋماعىندا) حابارلاسۋ قاجەت. وزىڭىزبەن بىرگە بالانىڭ تۋۋ تۋرالى كۋالىگى (كوشىرمەسى نەمەسە ەلەكتروندى تۇردە) بولۋى مىندەتتى. انىقتاما تەلەفونى: +7 (705) 892-75-24.
سونىمەن قاتار، بالالارعا قوعامدىق بىرلەستىكتەردىڭ (مۇگەدەكتەر ۇيلەرى، ساڭىراۋلار قوعامدارى، بالالار ۇيلەرى، مەكتەپ-ينتەرناتتار جانە ت.ب.) وتىنىمدەرى بويىنشا اتتراكسيوندارعا تەگىن بارۋ قۇقىعى بەرىلەدى.
سونداي-اق، ساياباقتا تەگىن نىساندار بار: فۋتبول الاڭى، باسكەتبول الاڭى، كونكي پاركى، روللەردروم، ۇستەل تەننيسى الاڭى. جاز مەزگىلىندە ءار سەنبى جانە جەكسەنبى كۇندەرى بالالار قالاشىعىنىڭ ساحناسىندا بالالارعا ارنالعان ەكى ساعاتتىق تەگىن شوۋ باعدارلامالارى بولادى. ساياباق اكىمشىلىگى بارلىق ءىس-شارالاردى وتكىزۋگە كەتەتىن شىعىنداردى ءوز موينىنا الدى.