"حالىقتىڭ تابىسىن ارتتىرۋ باعدارلاماسى" اياسىندا جاڭا جۇمىس ورىندارى اشىلادى

2 ملن جۇمىس ورنى قۇرىلادى.

«حالىقتىڭ تابىسىن ارتتىرۋ» باعدارلاماسى اياسىندا 2 ملن جۇمىس ورنى قۇرىلادى. بۇل تۋرالى اتالمىش باعدارلامانى تانىستىرعان قازاقستاننىڭ پرەمەر-مينيسترىنىڭ ورىنباسارى ەرالى توعجانوۆ ايتتى، دەپ حابارلايدى Almaty-akshamy.kz.

«بىرىنشىدەن، باعدارلاما 1 ملن-نان اسا بيۋدجەت سالاسى قىزمەتكەرلەرىنىڭ، سونىمەن قاتار كۆازيمەملەكەتتىك سەكتوردىڭ وندىرىستىك پەرسونالىنىڭ جالاقىسىن ارتتىرۋعا باعىتتالعان. ونىڭ ىشىندە 800 مىڭ بيۋدجەت، 200 مىڭ وندىرىستىك سالاداعى ازاماتتار بار. كەلەسى جۇمادا «سامۇرىق قازىنادا» كۆازيمەملەكەتتىك سەكتورعا قاتىستى ۇلكەن كەزدەسۋ بولادى. سول جەردە وسى ماسەلەلەردىڭ ءبارى جەكە-جەكە تالقىلانادى. سونىمەن قاتار، 2،8 ملن قىزمەتكەردىڭ جالاقىسىن ارتتىرۋدى بيزنەس پەن مەملەكەت اراسىنداعى قارىم-قاتىناسقا تىكەلەي قاتىسى بار جوبالار ارقىلى جۇزەگە اسىرامىز. اسىرەسە، مەملەكەتتىڭ تىكەلەي قولداۋىن الاتىن بيزنەس سالاسىنا 2،8 ملن ازاماتتىڭ جالاقىسىن كوتەرۋگە قارسى تالاپ قويىلادى»، - دەدى ۇكىمەت باسشىسىنىڭ ورىنباسارى ورتالىق كوممۋنيكاسيالار قىزمەتىندەگى باسپا ءسوز كونفەرەنسياسى بارىسىندا.

ونىڭ ايتۋىنشا، باعدارلاما اياسىندا ەكونوميكانىڭ ءتۇرلى سالاسىندا 2 ملن-نان استام جاڭا جۇمىس ورنى قۇرىلادى.

«ءوندىرىس سالاسىندا 950 مىڭ، ينفراقۇرىلىم سالاسىندا 583 مىڭ، اۋىل شارۋاشىلىعىندا 458 مىڭ، تۋريستىك سالادا 59 مىڭ جۇمىس ورنى اشىلادى. بۇل — قازىرگى ناقتى مۇمكىندىكتەر. ول ۇلتتىق باعدارلامالاردا كورسەتىلگەن. دەگەنمەن بۇدان دا جوعارى كوتەرۋگە مۇمكىندىك بولادى دەپ ويلايمىز»، - دەدى ەرالى توعجانوۆ.