300 ملن-نان 1،1 ملرد تەڭگەگە دەيىن ۇلعايتىلدى.
جەتىسۋ اۋدانىنان تۇسەتىن شاعىمداردىڭ جارتىسىنا جۋىعى اۋلالاردى اباتتاندىرۋ نەمەسە جوندەۋ جۇمىستارىنا قاتىستى.بۇل تۋرالى الماتى اكىمى ەربولات دوسايەۆ حالىقپەن وتكىزگەن كەزدەسۋ باراسىندا ايتتى، دەپ حابارلايدى Almaty-akshamy.kz.
اكىمنىڭ ايتۋىنشا، قوعامدىق كەڭىستىكتەردىڭ جەتىسپەۋشىلىگى پروبلەماسىن شەشۋ ءۇشىن «حالىقتىڭ بيۋدجەتكە قاتىسۋى» جوباسىن قارجىلاندىرۋ 300 ملن-نان 1،1 ملرد تەڭگەگە دەيىن ۇلعايتىلدى.
«تۇرعىنداردىڭ ۇسىنىستارى بويىنشا 23 جوبا ىرىكتەلدى، ونىڭ ىشىندە 3 ءىرى جوبا چەرنوۆيسكايا كوشەسىندەگى ەسەنتاي وزەنىنىڭ جاعالاۋى؛ كوپەرنيك كوشەسىندەگى كىشى الماتى؛ وماروۆ كوشەسىنەن قازىبايەۆ كوشەسىنە دەيىنگى قاراسۋ. سونداي-اق، سكۆەرلەر، جاياۋ جۇرگىنشىلەر ايماقتارى جوندەلەدى، بالالار، سپورت الاڭدارى مەن فۋتبول الاڭدارى ورناتىلادى»، - دەدى قالا اكىمى.
جوبا اياسىندا گۇلدەر ساياباعى مەن اينابۇلاق -1 جانە اينابۇلاق-3 شاعىن اۋداندارىنداعى سۋارۋ جانە جارىقتاندىرۋ جۇيەلەرى قالپىنا كەلتىرىلەدى. اينابۇلاق-1 جانە اينابۇلاق-3. كوكمايسا شاعىن اۋدانىندا ەسەنتاي وزەنى جاعالاۋىنىڭ بويىنا ساياباق سالىنۋدا. يتتەردى سەرۋەندەتۋگە ارنالعان الاڭ بولادى.
بيىل رىسقۇلوۆ/ءسۇيىنباي داڭعىلىنداعى كوپىر استىنداعى سپورت ساياباعىنىڭ، اينابۇلاۆق -1 شاعىن اۋدانى ەسەنتاي وزەنىنىڭ بويىنداعى جاستار ساياباعىنىڭ، كوكجيەنك شاعىن اۋدانىنداعى، م. جۇمابايەۆ كوشەسىندەگى جاياۋ جۇرگىنشىلەر ايماعىنىڭ قۇرىلىستارى باستالادى.