الماتى قالاسى ءماسليحاتىنىڭ VIII شاقىرىلىمىنىڭ كەزەكتەن تىس II سەسسياسى ءوتتى.
تۇرعىن ءۇي الۋ كەزەگىن قىسقارتۋ ماقساتىندا حالىقتىڭ الەۋمەتتىك وسال توپتارى ءۇشىن 2 مىڭ پاتەر ساتىپ الۋعا 38،2 ملرد. تەڭگە ءبولۋ جوسپارلانۋدا، دەپ حابارلايدى Almaty-akshamy.kz.
«دەمەۋ» جانە «قامقور» ورتالىقتارىندا 760 ادام قىزمەت الادى. ولاردىڭ قىزمەت كورسەتۋ ساپاسىن جاقسارتۋ ءۇشىن 267،5 ملن. تەڭگەگە عيماراتتارعا جوندەۋ جۇرگىزۋ جوسپارلانعان.
كەشەندى الەۋمەتتىك كومەك كورسەتۋ ءۇشىن مۇگەدەكتىگى بار 120 ادامعا ارنالعان الەۋمەتتىك ينتەگراسيا ورتالىعىن اشۋ جوسپارلانعان. بۇل ورتالىقتا وڭالتۋ جۇمىستارىن جۇرگىزۋ، سۋرەت سالۋعا، تەاتر، فوتو جانە وپەراتورلىق ونەرگە جانە ت. ب. وقىتۋ جوسپارلانۋدا.
بۇل ماقساتتارعا جەرگىلىكتى بيۋدجەتتەن 180 ملن. تەڭگە قاراستىرىلعان.
مادەنيەت جانە سپورت سالالارىنا 5،5 ملرد. تەڭگە قاراستىرىلعان، ونىڭ ىشىندە:
كىتاپحانا جۇيەسىن سيفرلاندىرۋعا 329،7 ملن. تەڭگە قاراستىرىلعان. بۇل كىتاپ الۋ پروسەسىن اۆتوماتتاندىرۋعا، وقىرماندارعا قىزمەت كورسەتۋ ساپاسىن جاقسارتۋعا مۇمكىندىك بەرەدى.
جىل سايىنعى كونتينگەنتى 14 مىڭ بالا مەن 2 مىڭنان استام سپورتشىنى قۇرايتىن 3 جوعارى سپورت مەكتەبىن جانە وليمپيادالىق رەزەرۆتەگى 10 مامانداندىرىلعان بالالار-جاسوسپىرىمدەر مەكتەبىن ۇستاۋعا جەرگىلىكتى بيۋدجەتتەن 2 ملرد. تەڭگە بولىنەدى.
بالۋان شولاق اتىنداعى سپورت سارايىن جاڭعىرتۋعا جانە ۇستاۋعا 726 ملن. تەڭگە قاراستىرىلعان.
"الاتاۋ"، "زەردەلى" جانە "جاس قانات" شاعىناۋداندارىندا 3 جاڭا دەنە شىنىقتىرۋ-ساۋىقتىرۋ كەشەنىنىڭ قۇرىلىسى اياقتالۋدا. بۇل ماقساتتارعا جەرگىلىكتى بيۋدجەتتەن 884،4 ملن. تەڭگە. بولىنەدى.
تكش سالاسىنا قوسىمشا قاجەتتىلىك 44 ملرد. تەڭگەنى قۇرايدى.
اعىمداعى جىلى قالانىڭ 4 اۋدانىندا (الاتاۋ، ناۋرىزباي، تۇركسىب، جەتىسۋ) جالپى سوماسى 1،9 ملرد. تەڭگەنى قۇرايتىن كوپپاتەرلى تۇرعىن ۇيلەرگە ينجەنەرلىك جەلىلەر قۇرىلىسى اياقتالۋدا.
"جول كارتاسى" دامۋ باعدارلاماسىن ىسكە اسىرۋ شەڭبەرىندە قالقامان-2 شاعىناۋدانى تۇرعىندارى ءۇشىن 22 كوپپاتەرلى تۇرعىن ءۇي سالۋ جوسپارلانعان. وعان جەرگىلىكتى بيۋدجەتتەن 12،6 ملرد. تەڭگە بولىنەدى.
الماتى جەر سىلكىنىسى ىقتيمالدىعى 10 باللعا دەيىنگى سەيسميكالىق ءقاۋىپتى ايماقتا ورنالاسقان. تەكتونيكالىق پروسەستەردىڭ بەلسەندىلىگى عيماراتتاردىڭ جەر سىلكىنىسىنە توزىمدىلىك نورمالارىنا اسەر ەتەدى.
وسىعان بايلانىستى جەرگىلىكتى بيۋدجەتتەن 15 مىڭ ازاماتتىق جانە قوعامدىق عيماراتتاردى، 1 600-دەن استام كوپپاتەرلى تۇرعىن ۇيلەردى پاسپورتتاۋ بويىنشا جۇمىستاردى جۇرگىزۋگە 2 ملرد. تەڭگە قاراستىرىلعان.
قالانىڭ 3 اۋدانىندا (المالى، مەدەۋ، بوستاندىق) 33 جىلۋمەن جابدىقتاۋ وبەكتىلەرىنىڭ جسق ازىرلەۋگە 349 ملن. تەڭگە قاراستىرىلعان.
سونداي-اق، جەرگىلىكتى بيۋدجەتتەن قالانىڭ جىلۋ جەلىلەرىن قايتا قۇرۋ جانە جاڭعىرتۋعا (الجج جارعىلىق كاپيتالى ارقىلى) 5،3 ملرد. تەڭگە سوماسىندا قاراجات كوزدەلگەن.
قالانىڭ 5 اۋدانىندا (الاتاۋ، جەتىسۋ، مەدەۋ، ناۋرىزباي، تۇركسىب) 11 سۋمەن جابدىقتاۋ وبەكتىسىنىڭ جسق ازىرلەۋ جوسپارلانعان بۇل تاراپتا 149 ملن. تەڭگە قاراستىرىلعان.
قالانىڭ 3 اۋدانىندا (الاتاۋ، اۋەزوۆ، مەدەۋ) جالپى سوماسى 3،9 ملرد. تەڭگەگە سۋمەن جابدىقتاۋ جانە كارىز جەلىلەرىنىڭ قۇرىلىسى باستالادى، بۇل 26 مىڭ تۇرعىندى ساپالى سۋمەن قامتاماسىز ەتۋگە مۇمكىندىك بەرەدى.
5 اۋداندا سىرتقى جارىقتاندىرۋ جەلىلەرىن ۇستاۋعا 4،1 ملرد. تەڭگە قاراستىرىلعان.