حالىقتان زاڭسىز ساقتاۋداعى قارۋ-جاراق پەن وق-دارىلەردى ساتىپ الۋ اكسياسى جالعاسۋدا

قازاقستاندىقتار ءبىر ايدا پوليسياعا 1272 اتىس قارۋىن ءوز ەركىمەن تاپسىرعان.

ق ر ىشكى ىستەر مينيسترلىگىنىڭ وكىلى شۇعىلا تۇرلىبەكتىڭ ايتۋىنشا، قازاقستاندىقتار ءبىر ايدا پوليسياعا 1272 اتىس قارۋىن ءوز ەركىمەن تاپسىرعان، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«ىشكى ىستەر مينيسترلىگىنىڭ حالىقتان زاڭسىز ساقتاۋداعى اتىس قارۋىن، وق-دارىلەر مەن جارىلعىش زاتتاردى ساتىپ الۋعا باعىتتالعان رەسپۋبليكالىق اكسياسى جالعاسىپ جاتىر. ءوز ەركىمەن تاپسىرىلعان قارۋدىڭ جاي-كۇيىنە قاراي ءار داناسى ءۇشىن 10 ايلىق ەسەپتىك كورسەتكىشتەن (31 800 تەڭگە – رەد) 100 اەك-كە دەيىن (318 000 تەڭگە –رەد.) تولەم كوزدەلەدى. اكسيا باستالعان ايدىڭ ىشىندە تۇرعىندار پوليسياعا 1272 دانا اتىس قارۋىن ءوز ەركىمەن تاپسىردى. ونىڭ ىشىندە 1 ويىق ۇڭعىلى اۆتومات، 188 ۇزىن ويىق ۇڭعىلى مىلتىق، 4 قىسقا ويىق ۇڭعىلى اۆتومات، 1067 تەگىس ۇڭعىلى مىلتىق، 12 تراۆماتيكالىق قارۋ، 5 جارىلعىش قۇرىلعى جانە ويىق ۇڭعىلى مىلتىقتىڭ 9،5 مىڭعا جۋىق وعى بار»، - دەدى ءىىم وكىلى ۆەدومستۆونىڭ ونلاين بريفينگىندە.

سونداي-اق، شۇعىلا تۇرلىبەك تىركەلمەگەن اتىس قارۋىن، ءوق-دارى مەن جارىلعىش زاتتاردى ءوز ەركىمەن تاپسىرعان ازاماتتار قىلمىستىق جانە اكىمشىلىك جاۋاپكەرشىلىككە تارتىلمايتىنىن ەسكە سالدى. اتالعان بريفينگتە ءبىر اپتانىڭ ىشىندە رەسپۋبليكا بويىنشا 3184 قىلمىس تىركەلگەنى ءمالىم ەتىلدى.