شىن مانىندە، گااگاداعى حالىقارالىق سوت مۇنداي ىستەردى قاراعان جوق. سوت سايتىندا ءبىر ۋاقىتتا گەنوسيد پەن پاندەمياعا قاتىستى سوت ءىسى تۋرالى اقپارات جوق.
Whats‘App مەسسەندجەرىندە COVID-19 پاندەمياسى بۇكىل الەمدە اياقتالادى، ويتكەنى گااگاداعى حالىقارالىق سوت ونى گەنوسيد دەپ تانىدى جانە ونىڭ پايدا بولۋى مەن دامۋىنا قاتىسى بار ءبىرقاتار ادامدار سوتتالدى دەگەن اقپارات تارادى. مۇنىڭ ءبارى وتىرىك، دەپ حابارلايدى Almaty-akshamy.kz Stopfake.kz سايتىنا سىلتەمە جاساپ.
سوت COVID-19 پاندەمياسىن گەنوسيد دەپ تانىدى دەگەن قاۋەسەت كەيبىر بۇقارالىق اقپارات قۇرالدارىندا حالىقارالىق جالپى قۇقىق سوتى وسىنداي شەشىم شىعاردى دەگەن اقپارات جاريالانعاننان كەيىن تارادى. الايدا، بۇل شەشىمنىڭ زاڭدى كۇشى جوق، ويتكەنى سوتتىڭ ءوزى رەسمي تۇردە جوق جانە ونى ەشكىم ەش جەردە مويىندامايدى. ونى قۇرۋشى – قاستاندىق يدەيالارىن تاراتىپ، دارىپتەگەنى ءۇشىن جۇمىستان شىعارىلعان بۇرىنعى پاستور كيەۆين اننەت. ول سونداي-اق كانادا اۋماعىندا ءوزىنىڭ ەشكىمگە تانىلماعان كاناتا رەسپۋبليكاسىن قۇرىپ، مەملەكەت تولىعىمەن لەگيتيمدى دەپ مالىمدەدى.
تىركەلمەگەن سوتتىڭ شەشىمى تۋرالى العاشقى حابارلامادا 75 ادام «ايىپتى» دەپ تانىلدى، ونىڭ ىشىندە ريم پاپاسى، پاتشايىم ەليزاۆەتا II، كانادا پرەمەر-مينيسترى دجاستين تريۋدو، Pfizer باس ديرەكتورى البەرت بۋرلا جانە ت.ب. بار. وندا ەلباسى مەن ق ر پرەزيدەنتى تۋرالى ايتىلعان جوق. ياعني، اۋديوحابارلامانىڭ بۇل بولىگىن حابارلاما اۆتورى ويدان شىعارعان.
دەمەك، گااگاداعى حالىقارالىق سوت COVID-19 پاندەمياسىن گەنوسيد دەپ مويىنداعان جوق جانە مۇنداي شاعىمداردى قاراستىرماعان. مۇنداي شەشىمدى جوق ەلدە قۇرىلعان سوت شىعارعان، سوندىقتان ونى شىن دەپ قابىلداۋدىڭ قاجەتى جوق.