«قۇرمەت» وردەنىنىڭ يەگەرى داۋلەت دوسباتىروۆتىڭ جەتەكشىلىگىمەن «امانات» اۋە بەلبەۋىنىڭ دۋەتتەرى دانات جانە دانالي دوسباتىروۆتار 12-15 قىركۇيەك ارالىعىندا ماسكەۋ سيركىندە يۋ.نيكۋليننىڭ سۆەتنوي بۋلۆارىندا وتكەن «ارتيست» II حالىقارالىق سيرك فەستيۆالىندە «يۋنيور» كۇمىس جۇلدەسىن جەڭىپ الدى، دەپ حابارلايدى aqshamnews.kz
سونداي-اق، جاس ارتيستەر ءتورت ارنايى سىيلىقتى يەلەندى: حالىقارالىق سيرك ونەرى فەستيۆالىنىڭ پرەزيدەنتى جەنيس ماتابوشتان (جيرونا ق.، يسپانيا)، باكۋ مەملەكەتتىك سيركىنىڭ ديرەكسياسىنان (ءازىربايجان)، «Sky Angels» توبىنان (وزبەكستان) جانە رەجيسسەر، رەسەيدىڭ ەڭبەك سىڭىرگەن ونەر قايراتكەرى الەكساندر گريمايلودان ارنايى سىيلىق.
ايتپاقشى، دانات پەن دانالي فەستيۆالدىڭ ەڭ جاس قاتىسۋشىلارى بولدى، دانات - 10 ، ال دانالي 8 جاستا.
«ارتيست» سيرك ونەرى فەستيۆالىنە الەمنىڭ 17 ەلىنەن 87 ارتيست قاتىستى. فەستيۆالدىڭ جۇلدەلەرى ءۇشىن تاجىريبەلى ارتىستەر دە، بالالار دا ب ا ق سىناستى.
بۇل بىرەگەي سيرك بايقاۋى بولدى. بەدەلدى قازىلار القاسى قاتىسۋشىلاردىڭ شەبەرلىگىن باعالادى.
«ەكى كونكۋرستىق كۇندە جانە گالا-شوۋدا حالىقارالىق قازىلار القاسى مەن كورەرمەندەر «امانات» نومىرىنە قوشەمەت كورسەتتى، بۇل ۇلكەن قۋانىش پەن ماقتانىش. ءبىزدىڭ ءنومىرىمىزدى كاسىبي ارتيستەر، فەستيۆالدىڭ رەجيسسەرلىك - ساحنالاۋ توبى ەرەكشە اتاپ ءوتتى. رەسەيدەگى ەڭ كونە سيركتەردىڭ بىرىندە، اڭىزعا اينالعا ارتيستەر جۇمىس ىستەگەن مانەجدە ونەر كورسەتۋ ءبىز ءۇشىن ۇلكەن مارتەبە»، - دەدى «امانات» ءنومىرىنىڭ قويۋشى-رەجيسسەرى داۋلەت دوسباتىروۆ.
