قالالىقتار ءوز ازاماتتىق بورىشىن قالتقىسىز اتقارۋدا
الماتىداعى داۋىس بەرۋدىڭ قالاي ءوتىپ جاتقانى جايلى قىرعىزستان رەسپۋبليكاسىنان كەلگەن حالىقارالىق باقىلاۋشى ۇزاربەك جىلقىبايەۆ اڭگىمەلەپ بەردى.
«سايلاۋعا دايىندىق بارىسىمەن كەشە تانىستىق. بۇگىن تاڭەرتەڭنەن بەرى 10 سايلاۋ ۋچاسكەسىن ارالادىق. ولاردىڭ اراسىندا كوكتوبە، تاستاق، باسقا دا اۋداندارداعى ۋچاسكەلەر بار. ءبىز جۇمىسىمىزدى تۇستەن كەيىن دە جالعاستىرۋدامىز. قىرعىزستاننان بارلىعى 8 باقىلاۋشى كەلدى، ولاردىڭ تورتەۋى – نۇر-سۇلتاندا، ەكەۋى – شىمكەنتتە، ەكەۋى – الاتىدا جۇمىس ىستەۋدە. باقىلاۋ بارىسىندا بايقاعانىمىز، رەفەرەندۋمنىڭ ۇيىمداستىرىلۋى ۇلتتىق جانە حالىقارالىق تالاپتارعا ساي كەلەدى»، – دەدى ۇزاربەك جىلقىبايەۆ.
سونداي-اق سپيكەر قازاقستاندىقتاردىڭ سايلاۋدا بەلسەندىلىك تانىتىپ جاتقانىنا دا توقتالدى.
«قازاقستان ازاماتتارى وزدەرىنىڭ جانە بالالارىنىڭ بولاشاعى ءۇشىن جاۋاپكەرشىلىكتى سەزىنەتىنى انىق. جۇمىس بارىسىندا بيۋللەتەندەردىڭ ساپاسىنا، مازمۇنىنا دا نازار اۋداردىق. ءبارى ويداعىداي. سايلاۋشىلار ءۇشىن ەشقانداي قيىندىقتار تۋمايتىنىنا سەنىمدىمىن»، – دەيدى حالىقارالىق باقىلاۋشى.