حالىقارالىق فارابي فورۋمى وتكىزىلدى

فورۋمدا ال-فارابيگە ارنالعان دەرەكتى فيلم كورسەتىلدى.

سونداي-اق ءال-فارابي مۇراسى مەن تۇركى حالىقتارىنىڭ رۋحاني داستۇرلەرىنە ارنالعان كىتاپ كورمەسى مەن «ءداستۇرلى تۇركى قۇندىلىقتارى» اتتى سۋرەت كورمەسى ءوتتى، دەپ حابارلايدى Almaty-akshamy.kz

«ءال-فارابي جانە تۇركى حالىقتارىنىڭ رۋحاني داستۇرلەرى» اتتى حالىقارالىق فارابي فورۋمىنىڭ باستى ماقساتى – ۇلى ويشىلدىڭ شىعارماشىلىق مۇراسىن قازىرگى زامان تۇرعىسىنان تۇسىنۋگە نەگىزدەلگەن جالپى جانە كوپتەگەن عىلىمي باعىتتار بويىنشا عىلىمنىڭ دامۋىنا تىڭ سەرپىن بەرۋ. فورۋمدا جاھاندانۋ داۋىرىندە قاجەتتى جاڭا ينتەگراسيالىق دۇنيەتانىم قالىپتاسۋ جولىنداعى مادەنيەتتەر مەن حالىقتاردىڭ ءوزارا بىرلىگىنە نەگىزدەلگەن ءال-فارابيدىڭ كەشەندى يدەيالارىن جان-جاقتى عىلىمي تالداۋ مىندەتتەرى العا قويىلعان.

حالىقارالىق فارابي فورۋمىنىڭ نەگىزگى باعىتتارى:

• ءال-فارابي جانە تۇركى-يسلام وركەنيەتىنىڭ فيلوسوفيالىق نەگىزدەرى.


• ءال-فارابي ءىلىمى جانە تۇركى-يسلام وركەنيەتىندەگى قوعامدىق-ساياسي ويلار.


• ءال-فارابي جانە فارابيتانۋ ءىلىمى: ويشىل مۇراسىن زەرتتەۋدەگى جاڭا باعىتتار.

فورۋم اياسىندا مىناداي پىكىرتالاس الاڭدارى مەن بايقاۋلار وتكىزىلدى:

I تالقىلاۋ الاڭى «ادام پسيحيكاسىن زەرتتەۋدىڭ زاماناۋي ادىستەرى»

II تالقىلاۋ الاڭى «جاڭا قازاقستان: ۋنيۆەرسيتەتتىڭ «ءۇشىنشى ميسسياسىن» جۇزەگە اسىرۋ تاجىريبەسى»

III تالقىلاۋ الاڭى «ءبىلىم بەرۋدەگى سيفرلىق ترانسفورماسيا: تەحنولوگيالار مەن پەرسپەكتيۆالار»

IV تالقىلاۋ الاڭى «مادەنيەتتەر ديالوگى جانە كونفەسسياارالىق كەلىسىم – مەملەكەتتىك قاۋىپسىزدىكتىڭ نەگىزى»

V تالقىلاۋ الاڭى «تاۋەلسىز قازاقستاندا ساياساتتانۋدىڭ قالىپتاسۋى مەن دامۋى».

VI تالقىلاۋ الاڭى «كىشى فارابي اكادەمياسى»: «قايىرىمدى قالا كونسەپسياسى جانە زاماناۋي قالا مادەنيەتى»

VII فيلوسوفيالىق ەسسە بايقاۋى

VIII بەينەروليكتەر بايقاۋى «قازاق فيلوسوفياسىنىڭ وزەكتىلىگى»