«Wikistrat Global Consultancy» اعا عىلىمي قىزمەتكەرى، تاۋەلسىز باقىلاۋشىلار ميسسياسىنىڭ اقش اتىنان مۇشەسى ريچارد ۋيليام ۆايس بۇگىن حالىقارالىق باقىلاۋشىلار توبىنىڭ قۇرامىندا جۇمىس ىستەدى. ول الماتىدا وتكەن سايلاۋدىڭ بارلىق ستاندارتتارعا سايكەس وتكەنىن اتاپ ءوتتى.
سايلاۋ كۇنى ول مەگاپوليستىڭ ءار ءتۇرلى اۋداندارىنداعى 20 سايلاۋ ۋچاسكەسىندە بولعان، ولاردى باقىلاعاننان باقىلاۋشى وڭ اسەردە قالعان.
«ۋچاسكەلەردىڭ اكىمشىلىگى ءوز جۇمىستارىنا جاۋاپتى قارادى، ولاردىڭ ءوز ىستەرىنە جاۋاپكەرشىلىكپەن قاراعاندارىنا كوڭىلىم تولدى. ولاردىڭ جۇمىستارى وڭاي بولعان جوق»، - دەدى ريچارد ۋيليام ۆايس.
حالىقارالىق باقىلاۋشى قازاقستانداعى سايلاۋ مەن اقش-داعى سايلاۋدىڭ ايىرماشىلىقتارى بارىن ايتتى. ونىڭ ەلىندە سايلاۋ ناۋقانى مەن سايلاۋالدى ۇگىت-ناسيحاتقا كوبەرەك ۋاقىت بەرىلەدى ەكەن، امەريكادا ول ناۋقان سايلاۋ وتەردەن ەداۋىر ۋاقىت بۇرىن باستالادى.
ءبىراق سپيكەر بۇنىڭ ەسكەرتۋ ەمەس ەكەنىن اتاپ ءوتتى.
باسپا ءسوز كونفەرەنسسياسى بارىسىندا باقىلاۋشى قوعام وكىلدەرىنەن، پارتيادان باقىلاۋشىلاردى شاقىراتىن قازاقستاندىق تاجىريبەنىڭ قىزى بولعانىن ايتتى. ونىڭ ويىنشا، بۇل قىزىق ءادىس، امەريكادا ونداي تاجىريبە جوق ەكەن.
«مەن ءۇشىن بۇل تاجىريبە پايدالى بولدى. مەن ول ادامدارمەن سويلەستىم، سۇراقتارىمدى قويدىم»، - دەدى ريچارد ۋيليام ۆايس.
جەرگىلىكتى سايلاۋ كوميسسيالارىنىڭ تاعى ەرەكشەلەگەن تۇسى – مۇمكىندىگى شەكتەۋلى ادامدارعا داۋىس بەرۋ مۇمكىندىگىنىڭ جاسالعانى بولدى. الماتىنىڭ سايلاۋ ۋچاسكەلەرى سيفرلاندىرىلعان.
قورىتىندىلاي كەلە، ريچارد ۋيليام ۆايس ەرتەڭ، 21 قاراشادا استاناعا جولعا شىعاتىنىن ايتتى، وندا ول وسى جۇمىسىن جالعاستىرادى، وندا ساراپشىلارمەن كەزدەسەدى، اقش-نا قايتقاننان كەيىن ەسەپ جازۋعا كىرىسەدى.