ساناقتىڭ بۇرىنعىعا قاراعاندا ارزانعا تۇسۋىنە زاماناۋي تەحنولوگيالاردى قولدانۋ سەپتىگىن تيگىزەتىن كورىنەدى.
ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆتىڭ ايتۋىنشا، 2021 جىلعى ساناق 2009 جىلعى ساناققا قاراعاندا 2،6 ەسە ارزان ەكەن، دەپ حابارلايدى Almaty-akshamy.kz
«2018 جىلدان باستاپ 2023 جىلعا دەيىنگى بەسجىلدىق كەزەڭگە حالىق ساناعىن جۇرگىزۋگە بيۋدجەتتەن 9،1 ملرد تەڭگە ءبولىندى. ونىڭ ىشىندە ساناق قىزمەتكەرلەرىنىڭ قىزمەتىنە اقى تولەۋ مولشەرى 4،7 ملرد تەڭگەنى قۇرايدى. وسى كەزەڭدە 32 313 ادام جۇمىسقا ورنالاستىرىلادى»، - دەدى ۇلتتىق ستاتيستيكا بيۋروسىنىڭ باسشىسى.
نۇربولات ايداپكەلوۆتىڭ ايتۋىنشا، بارلىق ساناق جۇرگىزۋشىلەرمەن اقىلى قىزمەت كورسەتۋ تۋرالى كەلىسىمشارت جاسالىپ جاتىر.
«2021 جىلعى حالىق ساناعىن وتكىزۋدە ءبىر ادامعا جۇمسالاتىن شىعىن 1،1 اقش دوللارىن قۇرايدى. مىسالى، 2009 جىلعى حالىق ساناعى كەزىندە مۇنداي سايكەس شىعىن 2،9 اقش دوللارىن قۇرادى»، - دەپ ءتۇسىندىردى ول.