اۋداندا جايلى ءومىر ءسۇرۋ ورتاسىن قالىپتاستىرۋ بويىنشا جۇمىستار جالعاسۋدا.
بۇل جونىندە الماتى اكىمى ەربولات دوسايەۆتىڭ مەدەۋ اۋدانى تۇرعىندارىمەن وتكەن كەزدەسۋىندە ايتىلدى، دەپ حابارلايدى Almaty-akshamy.kz.
«وتكەن جىلى وقۋشىلار سارايىنىڭ جانىنداعى سكۆەردى اباتتاندىرۋ جانە كوگالداندىرۋ جۇمىستارى اياقتالدى. مەملەكەتتىك مۋزەيدىڭ جانىنداعى سكۆەردى رەكونسترۋكسيالاۋ جۇمىستارى جالعاسۋدا. قۇرىلىس-مونتاجداۋ جۇمىستارى وسى جىلدىڭ ءساۋىر ايىنىڭ سوڭىنا دەيىن اياقتالادى»، - دەدى قالا باسشىسى.
2022 جىلى «حالىق قاتىساتىن بيۋدجەت» باعدارلاماسى اياسىندا 19 جوبا ىسكە اسىرىلدى، سونىمەن قوسا 20 اۋلا مەن كىشى الماتى وزەنىنىڭ جاعالاۋى اباتتاندىرىلدى.
بيىل وسى باعدارلاما بويىنشا 30 جوبا، ونىڭ ىشىندە اۋلا اۋماقتارىن جوندەۋ، قوعامدىق ورىنداردى اباتتاندىرۋ جانە قازىپ ورناتىلاتىن كونتەينەرلەردى سالۋ جوبالارى ىسكە اسىرىلادى.