مەرزىمىنەن بۇرىن ءىشىنارا قايتارۋ شەشىمى بۇگىن جۇزەگە استى.
Halyk Bank قىزمەتىنىڭ 2022 جىلعى قورىتىندىسى بويىنشا اكسيونەرلەردىڭ جىلدىق جالپى جينالىسىندا ديۆيدەندتەر تولەۋ تۋرالى شەشىم قابىلداندى، دەپ حابارلايدى Almaty-akshamy.kz
وعان سايكەس، مەملەكەتتىك كومەك رەتىندە بەرىلگەن 28،4 ملرد تەڭگە قايتارىلدى، دەپ حابارلايدى inbusiness.kz ءتىلشىسى.
"ديۆيدەندتىك ساياساتقا سايكەس، Halyk Bank جىل سايىن ءوز اكسيالارى بويىنشا ديۆيدەندتەر تولەيدى. بيىلعى جىل قورىتىندىسى بويىنشا، بانك اكسيونەرلەرى 2022 جىلعا ءبىر اكسياعا 25،38 تەڭگە مولشەرىندە ديۆيدەند الادى. دەپوزيت تۇرىندەگى مەملەكەتتىك كومەكتى قازكوممەرسبانك 2015 جىلى الدى. 2018 جىلى قازكوممەرسبانك Halyk Bank-پەن بىرىكتىرىلگەننەن كەيىن، Halyk دەپوزيتتىڭ مۇراگەرى رەتىندە، مەملەكەتتىك كومەك سوماسى بىرىككەن بانكتىڭ بالانسىنا اۋىستى. Halyk جاڭا زاڭناماعا سايكەس مەملەكەتتىك كومەكتى قايتارۋعا ءبىرىنشى بولىپ كىرىستى جانە "قازاقستاندىق تۇراقتىلىق قورى" اق دەپوزيتىن مەرزىمىنەن بۇرىن ءىشىنارا قايتارۋعا 28،4 ملرد تەڭگە نەمەسە تولەنەتىن ديۆيدەندتەر سوماسىنىڭ 10،26% -ىن قايتاردى. Halyk – ەلدەگى ەڭ ءىرى قارجى ينستيتۋتى"، - دەلىنگەن حابارلامادا.
ايتا كەتەرلىگى، Halyk Bank اكسيونەرلەرىنىڭ قۇرامىنا حالىقارالىق، مينوريتارلىق جانە جەرگىلىكتى ينۆەستورلار كىرەدى. ولاردىڭ ۇلەسى بانكتىڭ ورنالاستىرىلعان اكسيالارىنىڭ جالپى سانىنىڭ 30%-دان استامىن قۇرايدى.