حابيب جوسپارلارىمەن ءبولىستى

بۇرىنعى UFC جۇلدىزدارى ءحابيبتىڭ ليگاسىندا ونەر كورسەتپەك

جەڭىل سالماقتاعى بۇرىنعى UFC چەمپيونى حابيب نۋرماگومەدوۆ ءوزىنىڭ Eagle FC ليگاسىنىڭ الداعى جوسپارى تۋرالى ايتتى، دەپ حابارلايدى Almaty-akshamy.kz رrosports.kz-كە سىلتەمە جاساپ

ونىڭ ايتۋىنشا، پروموۋشەن 2022 جىلى اقش-تا دەبيۋت جاسايدى.

سونىمەن قاتار بىرنەشە بۇرىنعى UFC جانە Bellator جۇلدىزدارى رەسەيلىك ليگانىڭ قاتارىنا قوسىلادى.

«جەلتوقسان ايىندا ماسكەۋدە ۇلكەن تۋرنير وتكىزۋدى جوسپارلاپ وتىرمىز. كەلەسى شوۋ قاڭتار ايىنىڭ سوڭىندا ماياميدە وتەدى. مەن ازىرشە ەسىمدەردى اتاعىم كەلمەيدى، ءبىراق ءبىز بىرنەشە جۇلدىزبەن كەلىسىمشارت جاساستىق. 15 قاڭتاردا ماياميدە ۇلكەن باسپا ءسوز ءماسليحاتىن وتكىزەمىن، بۇل تۋرالى سول كەزدە ايتامىن.

2022 جىل Eagle FC ءۇشىن اسا ماڭىزدى جىل بولادى. ءبىز الەمنىڭ تۇكپىر-تۇكىپىنەن 15-تەن استام فايتەرمەن كەلىسىمشارت جاسايمىز. ولاردىڭ اراسىندا جاس فايتەرلەر جانە بىرنەشە بۇرىنعى UFC جانە Bellator جۇلدىزى بولادى. بىرنەشە ۇلكەن تۋرنير وتكىزەمىز، ولاردىڭ كەيبىرى ماياميدە وتەدى»، - دەدى نۋرماگومەدوۆ ESPN MMA YouTube ارناسىنا بەرگەن سۇحباتىندا.