ق ر عىلىم جانە جوعارى ءبىلىم مينيسترلىگى ەلىمىزدە عىلىمي جوبا اۆتورلارىنا بەرىلەتىن سىياقىلار تارالى تۇسىنىك بەردى، دەپ حابارلايدى اlmaty-akshamy.kz.
«2023 جىلدىڭ قورىتىندىسىن سارالاي كەلە، 2022 جىلى ىسكە قوسىلعان جوبالار بويىنشا اۆتورلارعا ونلاين-باقىلاۋ تەحنولوگياسى جوباسىنا قاتىستى 20 ملن تەڭگە كولەمىندە اۆتورلىق سىياقى تولەندى»، - دەلىنگەن مينيسترلىكتىڭ Kazinform اگەنتتىگىنە بەرگەن جاۋابىندا.
ۆەدومستۆو مالىمەتىنە قاراعاندا، عىلىمي-زەرتتەۋ ينستيتۋتتارى مەن عالىمدار رويالتيدەن باسقا عىلىمي-تەحنيكالىق قىزمەتتىڭ ناتيجەسىن كوممەرسيالاندىرۋ جوبالارىن ىسكە اسىرۋدان دا ديۆيدەندتەر الۋعا قۇقىلى.
«2016 جىلدان بەرى وتكىزىلىپ كەلە جاتقان كونكۋرستار اياسىندا «عىلىم قورى» اق عىلىمي نەمەسە عىلىمي-تەحنيكالىق قىزمەتتىڭ ناتيجەسىن كوممەرسيالاندىرۋدىڭ 290 جوباسىن قارجىلاندىردى. ونىڭ ىشىندە 152ء-سى اياقتالدى جانە 138 جوبا ىسكە اسىرۋ ساتىسىندا. 2024 جىلعى 1 قاڭتارداعى جاعداي بويىنشا جوبالار بويىنشا جالپى ساتىلىمدار 33،7 ملرد تەڭگەنى قۇرادى. اتاپ ايتقاندا، تەحنولوگيالاردى بەرۋ تۇرعىسىندا 51 ليسەنزيالىق كەلىسىم جاسالدى، جالپى سوماسى 534 ملن تەڭگەگە رويالتي تولەندى، 1 763 جۇمىس ورنى اشىلدى، سونداي-اق تولەنگەن جالاقىنىڭ جالپى سوماسى 6،9 ملرد تەڭگەنى قۇرادى»، - دەپ اتالىپ وتكەن مينيسترلىك اقپاراتىندا.