بۇل – وقۋ-اعارتۋ مينيسترلىگى التىنسارين اكادەمياسىنىڭ جۇيەلى جۇمىسىنىڭ ناتيجەسى.
Google كومپانياسى Google Classroom پلاتفورماسىنا تىلدىك قولداۋ كورسەتىپ، ءساۋىر ايىندا تىزىمگە قازاق ءتىلىن ەنگىزگەنىن رەسمي مالىمدەدى، دەپ حابارلايدى aqshamnews.kz
Google Classroom – 170 ميلليوننان استام ادام قولداناتىن الەمدەگى ەڭ تانىمال ءبىلىم بەرۋ پلاتفورمالارىنىڭ ءبىرى.
ەندى قازاق تىلىندە وقىتاتىن مەكتەپتەر ءۇشىن جاڭا سيفرلىق يگىلىكتەردى پايدالانۋ مۇمكىندىكتەرى پايدا بولدى. بۇل – ەلىمىزدىڭ وقۋشىلارى مەن پەداگوگتەرى ءۇشىن سيفرلىق تەڭ قولجەتىمدىلىكتى قامتاماسىز ەتۋدەگى ماڭىزدى قادام.
قازاق تىلىنە ءوتۋ ءۇشىن Google اككاۋنتىندا پارامەتردى وزگەرتۋ جەتكىلىكتى – پلاتفورما ينتەرفەيسى ۆەب-نۇسقاعا جانە ءموبيلدى قوسىمشاعا اۆتوماتتى تۇردە بەيىمدەلەدى.
ايتا كەتەيىك، قاڭتاردا ى.التىنسارين اكادەمياسى Google جانە Microsoft-پەن ىنتىماقتاستىق تۋرالى مەموراندۋمعا قول قويدى.
ودان بۇرىن وقۋ-اعارتۋ ءمينيسترى عاني بەيسەمبايەۆ الەمدەگى ەڭ ءىرى IT-كومپانيالاردىڭ وكىلدەرىمەن كەلىسسوزدەر جۇرگىزگەن بولاتىن.
Google Classroom قازاقشا نۇسقاسى – ءبىلىم بەرۋ سالاسىنداعى زاماناۋي سيفرلىق ەكوجۇيەنى قۇرۋ جولىنداعى العاشقى قادام.