ونىڭ ستراتەگياسى اناعۇرلىم اگرەسسيۆتى، ال مەن كوبىنە تاجىريبەمە سۇيەنەمىن
قازاقستاندىق بوكسشى گەنناديي گولوۆكين (42-1-1، 37كو) مەن مەكسيكالىق ساۋل «كانەلو» الۆارەس (57-2-2، 39كو) ءۇشىنشى جەكپە-جەك الدىنداعى سوڭعى باسپا ءسوز ءماسليحاتىن وتكىزدى، دەپ حابارلايدى Almaty-akshamy.kz Sports.kz پورتالىنا سىلتەمە جاساپ.
«بۇل جەرگە ورالعانىما قۋانىشتىمىن. سوڭعى ساپارىمنان كەيىن ءتورت جىل ءوتتى. ءقازىر مەن وسىندامىن. مەنىڭشە، بۇل ءبۇتىن بوكس الەمى ءۇشىن ەڭ ۇلكەن كۇن. فاناتتارعا ەڭ ۇلكەن سىي. ءوزىمدى جايلى سەزىنەمىن، مەن بابىمدامىن، مەن دايىنمىن. جەڭىسكە جەتەتىنىمە، وز-وزىمە، ءوز كومانداما، ماعان قولداۋ ءبىلدىرىپ وتىرعان ادامدارعا سەنىمدىمىن. «كانەلو» ەكەۋىمىز كاسىپقوي سپورتشىمىز. ونىڭ ستراتەگياسى اناعۇرلىم اگرەسسيۆتى، ال مەن كوبىنە تاجىريبەمە سۇيەنەمىن. كورەمىز. رينگ كىمنىڭ مىقتى ەكەنىن كورسەتەدى. بۇل ومىردە ءبارى دە بولۋى مۇمكىن»، - دەدى گولوۆكين.