گولوۆكين مەن كانەلو ابسوليۋت الەم چەمپيونى تيتۋلى ءۇشىن جۇدىرىقتاسادى - پروموۋتەر

كانەلو الدىندا ەكى ناقتى نۇسقا تۇر

پروموۋتەر ەددي حيرن (Matchroom Boxing) ەكىنشى ورتا سالماقتاعى ابسوليۋت الەم چەمپيونى مەكسيكالىق ساۋل "كانەلو" الۆارەستىڭ (57-2-2، 39 كو) الداعى جوسپارلارى تۋرالى ايتتى، - دەپ حابارلايدى Almaty-akshamy.kz Vesti.kz سايتىنا سىلتەمە جاساپ.

ونىڭ سوزىنشە، "كانەلونىڭ" ەكى تاڭداۋى بار - قازاقستاندىق گەنناديي گولوۆكينمەن (42-1-1، 37 كو) ءۇشىنشى جەكپە-جەك نەمەسە ءوزى مامىردىڭ باسىندا سەنساسيالىق تۇردە جەڭىلىپ قالعان رەسەيلىك دميتريي بيۆولمەن (20-0، 11 كو) ريەۆانش.

"كانەلو الدىندا ەكى ناقتى نۇسقا تۇر. ءبىرىنشىسى - ەكىنشى ورتا سالماقتاعى "ابسوليۋت" اتاعى ءۇشىن گولوۆكينمەن تريلوگيا، سودان كەيىن دميتريي بيۆولمەن ريەۆانش. سەبەبى "كانەلو" نە بولسا دا بيۆولمەن رەماچ وتكىزەدى. نەمەسە ريەۆانش ءبىرىنشى بولادى. 

بيۆولمەن جەكپە-جەك الدىندا بارلىعى گولوۆكينمەن ءۇشىنشى كەزدەسۋ "كانەلو" ءۇشىن جەڭىل بولادى دەپ ويلاعان. "كانەلو" ءدميترييدى جەڭگەندە، وندا تريلوگيادا ءسوزسىز جەڭىسكە ۇمىتكەر بولار ەدى. ءبىراق ءقازىر "كانەلوعا" قاتىستى سۇراقتار تۋىنداعانى راس. GGG ونى ءۇشىنشى جەكپە-جەكتە جەڭە الا ما؟ ءقازىر ول ءبىرشاما باسەكەگە قابىلەتتى.

ءبىز "كانەلو" مەن ەددي رەينوسومەن بىرگە ءارى قارايعى ارەكەتتەردى تالقىلاعىمىز كەلەدى. جەكە ءوزىم كەز كەلگەن نۇسقاعا ريزا بولامىن. گولوۆكينمەن جەكپە-جەك، مۇمكىن، ءالى دە بوكستاعى ەڭ ۇلكەن وقيعا سانالادى. ال بيۆولمەن ريەۆانش - "كانەلو" ءۇشىن ءقاۋىپتى جانە قيىن جەكپە-جەك. وعان سپورتشى كارەراسىندا العاش رەت اندەردوگ مارتەبەسىمەن شىعادى"، - دەدى حەرن DAZN Boxing Show-عا بەرگەن سۇحباتىندا.