ىرىكتەۋدەن ءبىر دەممەن ءوتتى.
كاتار استاناسى دوحادا ءوتىپ جاتقان سپورتتىق گيمناستيكادان الەم كۋبوگى كەزەڭىندە قازاقستاندىق ناريمان كۋربانوۆ جەڭىسكە جەتتى، دەپ حابارلادى Almaty-akshamy.kz Olympic.kz سىلتەمە جاساپ.
ناريمان گيمناستيكالىق ات سناريادىندا سىنعا ءتۇسىپ، الەم ۇزدىكتەرىنىڭ الدىن ورادى. ول فينالداعى جاتتىعۋى ءۇشىن تورەشىلەردەن 15.200 ۇپاي العان.
«دوحاعا كەلىپ، التىن الماي كەتسەم، ءوزىمدى كەشىرمەيتىن ەدىم. تەك قانا التىن الامىن دەگەن ماقسات بار مەندە. ىرىكتەۋدەن ءبىر دەممەن ءوتىپ، فينالدا ءوزىمنىڭ سوڭعى ءۇش ايدا دايىنداعان جاتتىعۋىمدى كورسەتىپ شىقتىم. ەندى الدا تاعى ەكى كەزەڭ بار. سول باسەكەلەردە ءوزىمنىڭ بار مۇمكىندىگىمدى كورسەتۋگە تىرىسامىن»،- دەدى سپورتشى باسىلىمعا بەرگەن سۇحباتىندا.
كۇمىس مەدالدى يرلانديالىق ريس ماككلەناگان يەلەنسە، قولا جۇلدە ارمەنيالىق ارۋتيۋن مەردينيانعا بۇيىردى.
ايتا كەتسەك، ناريمان كۋربانوۆ كوتبۋستا (گەرمانيا) وتكەن الەم كۋبوگىندە فينالدا ونەر كورسەتكەن.