لاس-ۆەگاستاعى T-Mobile Arena ستاديونىندا وتكەن جەكپە-جەكتەن كەيىن گەنناديي گولوۆكين كاسىپقوي بوكستان كەتپەيتىنىن مالىمدەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
مەكسيكالىق ساۋل الۆارەستەن ەكىنشى رەت جەڭىلىس تاپقاننان كەيىن قازاقستاندىق بوكسشى گەنناديي گولوۆكين كاسىپقوي بوكستان ءالى كەتپەيتىنىن مالىمدەدى.
«كاسىپقوي بوكستاعى مانسابىڭ ءارى قاراي جالعاسا ما؟»، - دەپ سۇرادى كەش جۇرگىزۋشىسى ايقاستان كەيىنگى سۇحباتتا.
«ارينە، مەنىڭ ۇلكەن جوسپارلارىم بار. كوزدەپ جۇرگەن قارسىلاستارىم كوپ. «كانەلونى»قۇتتىقتايمىن جانە بۇكىل بوكس جانكۇيەرلەرىن قۇتتىقتايمىن. جىگىتتەر، ەستەرىڭدە بولسىن، مەنىڭ ورتا سالماقتا ءۇش بەلبەۋىم بار. مەنى ءالى ورالامىن. مەنى ءالى دەبولسا چەمپيونمىن»،- دەدى گولۆوكين.
ەسكە سالساق، گولوۆكين boxingnews24.com سايتىنداعى سۇحباتىندا جانكۇيەرلەر قالاسا، ساۋل الۆارەسپەن ءتورتىنشى جەكپە-جەككەدە شىعۋعا ءازىر ەكەنىن مالىمدەگەن.
سوعان قاراماستان، گولوۆكيننىڭ كەيىنگى 4 جەكپە-جەگىنە ستريمينگ قىزمەتىن ۇسىنىپ كەلگەن DAZN كومپانياسى جوسپارلانعان التى بوكس كەشىنىڭ ەرتەڭگى بەسىنشىسىنەن كەيىن «GGG»-مەن اراداعى كەلىسىمشارتتى توقتاتاتىن بولدى.
گولوۆكين-الۆارەس بوكس كەشىندە تاعى ءبىر قازاقستاندىق ونەر كورسەتەدى. 27 جاستاعى ءالي احمەدوۆ امەريكالىق گابريەل روسادونى (26-15-1، 15كو) جەڭدى.