Volkswagen اۆتوكونسەرنى مەن ونىڭ جۇمىسشىلارى اراسىنداعى ەڭبەك داۋلارى جالعاسۋدا. گەرمانيانىڭ IG Metall كاسىپوداق ۇيىمى، 1 جەلتوقسان كۇنى Volkswagen جۇمىسشىلارى مەن باسشىلىعى اراسىنداعى بەيبىت كەلىسىمنىڭ مەرزىمى اياقتالعان سوڭ، جالپىۇلتتىق ەسكەرتۋ ەرەۋىلدەرىن باستاۋعا شاقىردى، دەپ حابارلايدى aqshamnews.kz.
ەرەۋىلدەر 2 جەلتوقساننان باستاپ بارلىق Volkswagen زاۋىتتارىندا باستالادى. كاسىپوداق باسشىسى تورستەن گروگەر ەرەۋىلدەردىڭ كومپانيا نازاردان تىس قالدىرا المايتىن دارەجەگە جەتەتىنىن ايتتى.
Volkswagen گەرمانيادا 10 زاۋىتتى باسقارادى، ونىڭ التاۋى تومەنگى ساكسونيادا، ۇشەۋى ساكسونيادا جانە بىرەۋى گەسسەندە ورنالاسقان. بۇل زاۋىتتاردا شامامەن 120 مىڭ ادام جۇمىس ىستەيدى. جالاقى ماسەلەلەرى بويىنشا كەلىسسوزدەر 9 جەلتوقسان كۇنى قايتا جالعاسادى.