شارا قازاقستان تاۋەلسىزدىگىنىڭ 30 جىلدىعىنا ورايلاستىرىلدى
كەلگەن قوناقتار 3D فورماتىنداعى يننوۆاسيالىق بەينەينستاللياسيالاردىڭ كومەگىمەن ەلىمىزدىڭ اسەم تابيعاتىن تاماشالاي الدى، دەپ حابارلايدى Almaty-akshamy.kz
وتاندىق ارتىستەر ءداستۇرلى اندەرمەن قاتار، زاماناۋي كومپوزيسيالاردى دا ورىندادى. كەشتىڭ كوركىن قازاقستان ديزاينەرلەرى ۇسىنعان فەشن-شوۋ اشا ءتۇستى.
«ءبىز تەك كيىم ۇلگىلەرى مەن ديزاينەرلەردى تانىستىرىپ قانا قويماي، سونداي-اق قازاقستاننىڭ تابيعاتىن، وتاندىق سۋرەتشىلەردىڭ جۇمىستارىن جانە ونەر ادامدارىن كورسەتتىك. قوناقتار قاتتى ريزا بولدى. «وسىنداي ءىس-شارالار كوپ بولسا ەكەن» دەگەن نيەتتەرىن ءبىلدىردى»، - ۇيىمداستىرۋشى قارلىعاش كارىپوۆا.
«وتە ادەمى كەش بولدى. مۋزىكا، ارنايى ەففەكتىلەر مەن ءسان كورسەتىلىمى، ءتۇرلى وقيعاعا تولى باعدارلاما. بەرليننىڭ وزىندە مۇنداي شوۋدى ءجيى كورمەيسىڭ. ماعان ەرلەردىڭ ادەمى ءارى ءساندى كيىمدەرى ۇنادى. ال قازاق مۋزىكاسىن ومىرىمدە العاش رەت ەستىدىم»، - دەدى كورەرمەن يان شتاينحارت.