وتكەن سەنبىدە گەرمانيانىڭ ساكسونيا-انحالت ايماعىندا ءانونيمدى لوتەرەيا قاتىسۋشىسى بولۋى مۇمكىن 49 ساننىڭ ىشىنەن 6 ساندى ءدوپ تاپقان. ول تەك سۋپەرساندى بولجاۋ كەزىندە قاتەلەسكەن، دەپ حابارلايدى aqshamnews.kz.
سونىمەن بۇلاي ءدوپ تۇسكەن ادامنىڭ ۇتىسى شامامەن 15،5 ميلليوندى قۇرايدى. دەگەنمەن، باقىتتى جەڭىمپاز ءالى بايلانىسقا شىققان جوق. ول بۇكىل گەرمانيا بويىنشا وتكەن سەنبىدە «لوتەرەيانىڭ التىنى» تۇسكەن ءۇش ادامنىڭ ءبىرى بولدى. ۇتىس سوماسى 1 194 215،70 ەۋرونى قۇرايدى.
جاڭا ميلليونەر لوتەرەياعا كليەنتتىك كارتاسىز قاتىسىپ، زالە اۋدانىنداعى ساتۋ نۇكتەسىندە تەك سەنبى كۇنگى تيراجعا بيلەت ساتىپ العان. قاتىسۋ قۇنى 15،75 ەۋرو بولعان.
«مۇنداي ۇتىستى ۇتقان جان كەلەسى دەمالاتىن جەرىن جوسپارلاي بەرسە دە بولادى. مەن جەڭىمپازدى ءبىزدىڭ ماگدەبۋرگتەگى لوتو-وفيسىمىزگە شاقىرىپ، ونى جەكە قۇتتىقتار ەدىم»، — دەيدى Lotto كومپانياسىنىڭ باس ديرەكتورى شتەفان ەبەرت.
بۇل جىلدىڭ 35ء-شى ءىرى ۇتىسى (5000 ەۋرودان جوعارى) زالە اۋدانىندا تىركەلىپ وتىر. جەڭىسكە جەتكەن ادام ءوز ۇتىسىن ساكسونيا-انحالتتاعى 630 ساتۋ نۇكتەسىنىڭ كەز كەلگەنىندە نەمەسە ماگدەبۋرگتەگى ورتالىق كەڭسەدە تالاپ ەتە الادى. ۇتىستى الۋ ءۇشىن تەك ستاۆكانىڭ تۇبىرتەگى قاجەت. جەڭىمپازدىڭ ۇتىسىن الۋ ءۇشىن ءۇش جىل ۋاقىتى بار.
گەرمانيادا لوتەرەيا ۇتىستارىنا سالىق سالىنبايدى، ويتكەنى ولار تەك ساتتىلىككە بايلانىستى. ءبىراق ەگەر ۇتىس قوسىمشا تابىس اكەلسە، مىسالى، پايىزدار، ديۆيدەندتەر نەمەسە جالعا بەرۋدەن تۇسكەن كىرىستەر بولسا، سول قوسىمشا تابىستار سالىققا جاتادى.
ەگەر ۇتىس پايدا اكەلەتىن اكتيۆتەرگە نەمەسە جىلجىمايتىن مۇلىككە سالىنسا، سول اكتيۆتەردەن تۇسكەن تابىس سالىققا تارتىلادى.
بيىلعى جىلى ساكسونيا-انحالتتا ايماعىندا مۇنداي ۇتىس ۇتۋ ءۇشىنشى رەت تىركەلىپ وتىر. ناۋرىزدا حاللە (زاالە) قالاسىنىڭ تۇرعىنى شامامەن 6،3 ميلليون ەۋرو ۇتىپ العان، ال ساۋىردە ماگدەبۋرگ قالاسىنىڭ تۇرعىنى 1،2 ميلليون ەۋرو ۇتىپ الدى.