گەنناديي گولوۆكين World Boxing ۇيىمى وتكىزىپ وتىرعان تۇڭعىش الەم چەمپيوناتىنىڭ اشىلۋىنا قاتىستى، دەپ حابارلايدى aqshamnews.kz.
شارادا ءسوز العان گەنناديي گولوۆكين الەم بىرىنشىلىگىنىڭ ماڭىزىنا توقتالىپ، اتالعان دودا سپورتتاعى جاڭا دارىنداردىڭ جۇلدىزىن جاعۋعا كومەكتەسەتىن الاڭ عانا ەمەس، سونىمەن بىرگە ءتۇرلى ەلدەن كەلگەن جاس بوكسشىلاردىڭ بىرلىگى مەن دوستىعىنىڭ بەلگىسىنە اينالاتىنىنا سەنىمدى ەكەنىن جەتكىزدى.
ايتا كەتەلىك، الەم چەمپيوناتىندا 30 ەلدەن 180 سپورتشى قاتىسىپ جاتىر. قازاقستان نامىسىن ەراسىل امانعالييەۆ (55 كەلىگە دەيىنگى سالماقتا)، اسىلحان كوشەرباي (65 كەلىگە دەيىنگى سالماقتا)، دياس سەرىك ۇلى (70 كەلىگە دەيىنگى سالماقتا)، دانيال رايىمبەكوۆ (85 كەلىگە دەيىنگى سالماقتا) قورعايدى.