قىس مەزگىلىندە تۇرمىستىق گازدى پايدالانۋ قارقىن العان سايىن، گازدان ۋلانۋ مەن جارىلىس وقيعالارى دا جيىلەپ كەتەدى. وكىنىشكە قاراي، جىلىتۋ ماۋسىمى باستالعاننان بەرى ەلىمىزدە تۇرمىستىق گازعا بايلانىستى بىرنەشە قايعىلى جاعداي تىركەلگەن. مامانداردىڭ ايتۋىنشا، بۇل كوبىنەسە قاۋىپسىزدىك ەرەجەلەرىن ساقتاماۋدىڭ سالدارىنان بولادى.
«QazaqGaz Aimaq» اق مالىمەتىنشە، 2024-2025 جىلعى جىلىتۋ ماۋسىمى باستالعالى بەرى 76 جازاتايىم وقيعا تىركەلگەن. ناتيجەسىندە 182 ادام زارداپ شەككەن، ونىڭ ىشىندە 72 ادام قايتىس بولعان.
گاز – ونى دۇرىس پايدالانعان جاعدايدا عانا ءقاۋىپسىز. كوپتەگەن قايعىلى وقيعالار قاراپايىم قاۋىپسىزدىك ەرەجەلەرىن ساقتاماۋدان ورىن الادى. گازبەن ۋلانۋدىڭ نەگىزگى سەبەبى – كومىرقىشقىل گازىنىڭ (سو) جينالۋىنان بولادى. ياعني اۋا الماسۋى دۇرىس ۇيىمداستىرىلماعان كەزدە، ءتۇتىن سىرتقا شىقپاي، گاز ءۇي ىشىندە جينالىپ قالادى. مۇنىڭ الدىن الۋ ءۇشىن قاراپايىم، ءبىراق ماڭىزدى قاۋىپسىزدىك شارالارىن ۇستانۋ قاجەت. ويتكەنى، گاز – قاۋىپسىزدىك ەرەجەلەرىن ساقتاعان جاعدايدا عانا ىڭعايلى ءارى ءتيىمدى ەنەرگيا كوزى سانالادى.
سالا ماماندارىنىڭ ايتۋلارىنشا، ورىن العان قايعىلى جاعدايلار، نەگىزىنەن، گاز تۇتىنۋ جابدىقتارىن پايدالانۋ كەزىندە قاراپايىم قاۋىپسىزدىك ەرەجەلەرىن ساقتاماعاندىقتان بولادى. وعان سەبەپ – زارداپ شەككەندەردىڭ جىلىتۋ قۇرالدارىن پايدالانۋعا نەمقۇرايلى قاراۋى، ولاردى ءوز بەتىنشە قوسۋى، قۇراستىرۋى نەمەسە ورنىن اۋىستىرۋى، قولدان جاسالعان گاز جابدىقتارىن پايدالانۋى، تاماق دايىنداۋعا ارنالعان گاز جابدىعىمەن ءۇي-جايلاردى جىلىتۋى، تەحنيكالىق قىزمەت كورسەتۋدى ورىنداماۋى، مۇرجانىڭ بىتەلمەۋىن، ءتۇتىن تارتۋىن تەكسەرمەۋى بولىپ وتىر.
دەمەك، مۇرجا مەن جەلدەتۋ ارنالارىنىڭ دۇرىس جۇمىس ىستەۋى – ءسىزدىڭ قاۋىپسىزدىگىڭىز بەن دەنساۋلىعىڭىزدىڭ كەپىلى. ويتكەنى، ۋلى گازبەن ۋلانۋدىڭ ەڭ كوپ وقيعاسى مۇرجانىڭ تۇتاستىعى بۇزىلعاندىقتان نەمەسە ءتۇتىننىڭ تارتپاۋىنان تۋىندايدى.
ەسىڭىزدە بولسىن! جۇمىس ىستەپ تۇرعان گاز اسپاپتارىن ءقاۋىپسىز پايدالانۋعا جانە جەلدەتۋ ارنالارى