قازاقستان گازا سەكتورىنداعى ازاماتتارىن ەۆاكۋاسيالاي باستادى
قازاقستان گازا سەكتورىنداعى ازاماتتارىن ەۆاكۋاسيالاۋ پروسەسىن باستادى. بۇل تۋرالى سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى، دەپ حابارلايدى almaty-akshamy.kz
«قازاقستاننىڭ مىسىرداعى، يوردانياداعى جانە يزرايلدەگى ەلشىلىكتەرىنىڭ ۇيلەسىمدى جانە ناقتى ءىس-قيمىلىنىڭ ارقاسىندا بۇگىن وتانداستارىمىزدى گازا سەكتورىنان ەۆاكۋاسيالاۋ پروسەسى باستالدى. بۇگىن، 13 قاراشادا 44 ازاماتتان تۇراتىن ءبىرىنشى توپتىڭ ەۆاكۋاسياسى جوسپارلانعان. بۇل توپقا قازاقستاننىڭ 40 ازاماتى جانە ولاردىڭ 4 شەتەلدىك وتباسى مۇشەلەرى كىرەدى»، - دەدى ول.
ونىڭ اتاپ وتۋىنشە، قازاقستاننان بولەك ماروككو، يوردانيا، رەسەي، يسپانيا، شۆەسيا، پەرۋ، نيدەرلاند، ۇلىبريتانيا جانە اقش ءوز ازاماتتارىن ەۆاكۋاسيالايدى.
«رافاك بەكەتىنەن بارلىعى 594 ادام وتەدى دەپ جوسپارلانعان. ەۆاكۋاسيا گازا سەكتورى مەن مىسىر اراسىندا ورنالاسقان رافاك باقىلاۋ-وتكىزۋ پۋنكتى ارقىلى جۇزەگە اسادى. پۋنكتەن وتكەننەن كەيىن قازاقستاندىقتار كايرگە كولىكپەن جەتكىزىلىپ، قوناق ۇيگە ورنالاستىرىلادى. سودان كەيىن قازاقستانعا جەتكىزىلەدى. قازىرگى تاڭدا قازاقستاندىق ديپلوماتتار كايردەن رافاك پۋنكتىنە جولعا شىقتى. جاقىن ارادا، ءبىر ساعاتتىڭ ىشىندە جەتۋى كەرەك»، - دەدى ايبەك سمادياروۆ.