الماتى ىرگەسىندەگى ەلدى مەكەن تۇرعىندارىنىڭ شاعىمىنان كەيىن گاز ءتاريفى تومەندەدى، - دەپ حابارلايدى اlmaty-akshamy.kz Tengrinews.kz-كە سىلتەمە جاساپ.
بۇعان دەيىن، الماتى وبلىسىنىڭ قاراساي اۋدانى تۇرعىندارىنىڭ تاۋارلىق گازعا بولشەك ساۋدادا وتكىزۋدىڭ جوعارى باعالارى قاتىستى «سيگما-گاز» جشس-نىڭ ىس-ارەكەتتەرىنە شاعىمدارى اياسىندا، ق ر ۇەم تابيعي مونوپوليالاردى رەتتەۋ كوميتەتىنىڭ الماتى وبلىسى بويىنشا دەپارتامەنتى 2021 جىلعى 1 قىركۇيەكتەن باستاپ 2023 جىلعى 17 قاڭتارعا دەيىنگى كەزەڭدە اتالعان سۋبەكتىنىڭ قىزمەتىنە جوسپاردان تىس تەكسەرۋ جۇرگىزگەنى حابارلانعان بولاتىن.
«اتالعان تەكسەرىس بارىسىندا، تمركد تاۋارلىق گازدى تاسىمالداۋ بويىنشا تاريفتەردىڭ نەگىزدىلىگىن، سونداي-اق تۇتىنۋشىلار ءۇشىن تاۋارلىق گازدى ساتۋعا ارنالعان بولشەك باعالاردىڭ باعا بەلگىلەۋ ءتارتىبىنىڭ ساقتالۋىن تەكسەردى. انىقتالعان بۇزۋشىلىقتاردىڭ ناتيجەلەرى بويىنشا، تمركد «سيگما-گاز» جشس-نا جالپى سوماسى 2 ملن.تەڭگەدەن استام ايىپپۇل سالدى، سونداي-اق گازبەن جابدىقتاۋ قىزمەتتەرىنىڭ تاريفتەرى مەن باعالارىن قايتا قاراۋ ءۇشىن ۋاكىلەتتى ورگانعا وتىنىمدەرمەن جۇگىنۋگە ۇسىنىس بەردى»، - دەلىنگەن حابارلامادا.
وسىلايشا، بيىل اقپاندا «سيگما-گاز» ج ش س تمركد-عا گاز تاسىمالداۋ ءتاريفىن جانە تاۋارلىق گازدىڭ بولشەك ساۋدا باعاسىن قايتا قاراۋعا وتىنىمدەر ۇسىندى، ولار بويىنشا ناۋرىزدىڭ باسىندا بارلىق مۇددەلى تۇلعالاردىڭ، ونىڭ ىشىندە تۇتىنۋشىلاردىڭ قاتىسۋىمەن جاريا تىڭداۋلار وتكىزىلدى.
««سيگما-گاز» جشس-نىڭ وتىنىمدەردەگى شىعىندارىنىڭ باپتارىن مۇقيات تالداۋ ناتيجەسىندە، الماتى وبلىسى بويىنشا تمركد 2023 جىلعى 10 ناۋرىزدا تاۋارلىق گازدى گاز تاراتۋ قۇبىرلارى ارقىلى تاسىمالداۋعا ارنالعان ءتاريفتى نەمەسە 57،04 پايىزعا تومەندەتتى. سونداي-اق، 2023 جىلعى 10 ناۋرىزداعى تمركد-نىڭ دالەلدى قورىتىندىسىمەن جابدىقتاۋ ۇستەمەسى جانە نەگىزدەلگەن شەكتى باعا 2023 جىلعى 1 ساۋىردەن باستاپ قولدانىسقا ەنگىزىلە وتىرىپ، 28 945،22 تەڭگە (ققس-پەن) مولشەرىندە، ونىڭ ىشىندە تۇتىنۋشىلار توپتارى بويىنشا بەكىتىلدى:
- تۇرمىستىق تۇتىنۋشىلار (حالىق) - 34 755،5-دەن 28 945،22-گە دەيىن، تومەندەۋ 16،7 پايىزدى نەمەسە 5 810،28 تەڭگەنى قۇرادى؛
– باسقا زاڭدى تۇلعالار مەن بيۋدجەتتىك ۇيىمدار-34 755،5-دەن 32 106،15-گە دەيىن، تومەندەۋ 7،6 پايىزدى نەمەسە 2 649،35 تەڭگەنى قۇرادى؛
– مەملەكەتتىك اتاۋلى الەۋمەتتىك كومەك جانە (نەمەسە) تۇرعىن ءۇي كومەگىن الاتىن تۇرمىستىق تۇتىنۋشىلار (حالىق) - 34 755،5-دەن 23 156،18-گە دەيىن، تومەندەۋ 33،37 پايىزدى نەمەسە 11 599،32 تەڭگەنى قۇرادى"، - دەلىنگەن حابارلامادا.
ق ر ۇەم تابيعي مونوپوليالاردى رەتتەۋ كوميتەتى تابيعي مونوپوليالار سۋبەكتىلەرى مەن قوعامدىق ماڭىزى بار نارىقتاردىڭ تاريفتەرى مەن باعالارىن قالىپتاستىرۋدىڭ اشىقتىعى مەن ايقىندىعىن قوسىمشا اتاپ وتەتىنىن، ولاردىڭ بەكىتىلۋى ەرەكشە باقىلاۋدا ەكەنىن مالىمدەدى.