جاپونيا استاناسى توكيودا دزيۋدودان Grand Slam باسەكەسى اياقتالدى. جىلدىڭ قورىتىندى دوداسىندا قازاقستان قۇراماسى ءبىر مەدالگە قول جەتكىزدى، دەپ حابارلايدى Almaty-akshamy.kz.
100 كەلىدەن جوعارى سالماقتا بەلدەسكەن قازاقستاندىق دزيۋدوشى عالىمجان قىرىقباي جارىس بارىسىندا بارلىعى ءتورت كەزدەسۋ وتكىزىپ، ۇشەۋىن جەڭىسپەن اياقتادى.
سپورتتى دامىتۋ ديرەكسياسىنىڭ مالىمەتىنشە، ەرلەر اراسىندا اسا اۋىر سالماقتاعى عالىمجان قىرىقباي قولا مەدال ءۇشىن جەكپە-جەكتە چەح لۋكاس كرپالەكتەن باسىم تۇسكەن.
ىرىكتەۋدە امەريكالىق كريستيان كونوۆالدى جەڭگەنىمەن، كەيىن جاپون كوكورو كاگيۋرادان ۇتىلىپ قالدى.
جارىس قوجايىنى فينالعا شىققاندىقتان عالىمجان جۇبانىش بەلدەسۋىنە قاتىسۋعا مۇمكىندىك الدى. وندا موڭعوليالىق سەسەنسەنگەل ودحۋۋدى ۇتتى.
سونداي-اق 100 كەلىگە دەيىنگى سالماقتاعى نۇرلىحان شارحان دا قولا مەدال ءۇشىن كۇرەسكەن.
الايدا قازاق دزيۋدوشىسى جۇبانىش كەزدەسۋىندە گەرمانيالىق دجوردج ءۋدسيلاۋريدى ۇتقانىمەن، جۇلدە جولىندا جارىس قوجايىنى كوتارو ۋەوكاعا جول بەردى.
وسىلايشا 100 كەلىگە دەيىنگى سالماقتا تاتاميگە شىققان شارحان نۇرلىحان جارىستى 5-ورىنمەن اياقتادى.