عالىمدار ۆاكسينا پاچىن جاسادى

ول ينەكسيا ارقىلى ۆاكسيناسيادان گورى كوبىرەك قورعاۋدى قامتاماسىز ەتەدى.

امەريكالىق عالىمدار 3D پرينتەردە باسىلعان ۆاكسينا پاچىن ويلاپ تاپتى، دەپ حابارلايدى  Almaty-akshamy.kz Egemen.kz-كە سىلتەمە جاساپ.

زەرتتەۋگە سايكەس، ۆاكسينادان الىنعان يممۋندىق جاۋاپ ينەكسيامەن سالىستىرعاندا 10 ەسە كۇشتى بولدى.
بۇل پاچتىڭ كادىمگى دارىلىك پاچتاردان باستى ايىرماشىلىعى - پوليمەرلى سۋبستراتتا 3D پرينتەردە باسىلعان ينەلەردىڭ بولۋى، ولاردىڭ ۇزىندىعى تەرىگە جەتىپ، زاتتى جەتكىزۋگە جەتكىلىكتى.

«وسى تەحنولوگيانى دامىتۋ ارقىلى ءبىز ۆاكسينالار يندۋسترياسىنىڭ قارقىندى دامۋىنا نەگىز قالايمىز دەپ ۇمىتتەنەمىز، ونى از مولشەردە، اۋىرسىنۋسىز جانە الاڭداۋشىلىقسىز قولدانۋعا بولادى. ۆاكسينا پاچىن قولدانۋ وڭاي، ءتيىمدى، اۋىرتپالىقسىز، ينەمەن ينەكسياعا قاراعاندا از ءينۆازيۆتى جانە ونى ءوزىڭىز قويساڭىز دا بولادى. پاچ 3D باسىپ شىعارۋ ارقىلى جاسالعاندىقتان، تۇماۋعا، قىزىلشاعا، گەپاتيتكە، كوروناۆيرۋسقا نەمەسە باسقا اۋرۋلارعا قارسى ۆاكسينالارعا ارنالعان ينەلەردىڭ ناقتى نۇسقاسىن تاڭداۋ قيىن بولمايدى»، - دەدى زەرتتەۋ جەتەكشىسى دجوزەف م.دەسيموۋن.