عالىمدار وميكرون وكپەگە قالاي اسەر ەتەتىنىن ايتتى

وميكرون جۇقتىرعان جانۋارلاردا اۋرۋ بەلگىلەرى جەڭىل بولعان

وميكروندىق كوروناۆيرۋس شتاممى باسقا COVID-19 شتاممدارىمەن سالىستىرعاندا وكپەگە زاقىمدى الدەقايدا از كەلتىرەتىنى انىقتالدى. امەريكالىق جانە جاپوندىق عالىمدار جۇرگىزگەن زەرتتەۋ ناتيجەسى بويىنشا Omicron اۋرۋىنىڭ اعىمى جەڭىلىرەك بولادى دەپ كۇتىلۋدە، دەپ حابارلايدى Almaty-akshamy.kz Baq.kz-كە سىلتەمە جاساپ.

زەرتتەۋشىلەر تىشقاندار مەن حومياكتارعا جۇرگىزىلگەن ءبىرقاتار تاجىريبە ناتيجەسىندە وسىنداي قورىتىندىعا كەلدى. وميكروندى جۇقتىرعان جانۋارلاردىڭ اۋرۋ بەلگىلەرى جەڭىل بولدى جانە سالماق جوعالتۋ ىقتيمالدىعى از ەكەنى انىقتالدى.

The Telegraph باسىلىمى وڭتۇستىك افريكاداعى ۇلتتىق جۇقپالى اۋرۋلار ينستيتۋتىنىڭ زەرتتەۋشىلەرىنە جانە ولاردىڭ پرەتوريا ۋنيۆەرسيتەتىندەگى ارىپتەستەرىنە سىلتەمە جاساي وتىرىپ، كوروناۆيرۋستىڭ وميكروندىق شتاممىنىڭ الدىڭعىلارمەن سالىستىرعاندا ءولىم-جىتىم دەڭگەيى 75 پايىزعا تومەن ەكەنىن جازدى. كوپ ۇزاماي زەرتتەۋشىلەر ەپيدەميانى توقتاتىپ، ەندەميالىق فازاعا اكەلەتىن «اۋرۋلار مەن ءولىم-جىتىم كورسەتكىشتەرىنىڭ تولىق ءبولىنۋى» بولادى دەپ ەسەپتەيدى.

بۇعان دەيىن گرەكيانىڭ سالونيكيدەگى اريستوتەل ۋنيۆەرسيتەتىنىڭ پروفەسسورى دەموسفەن سارياننيس كوروناۆيرۋستىڭ جاڭا وميكرون شتاممىمەن جۇقتىرۋ تولقىنى 2022 جىلدىڭ 20 اقپانىندا اياقتالاتىنىن ايتقان. بۇل - كوروناۆيرۋستىق ينفەكسيانىڭ سوڭعى مۋتاسياسى.