عالىمدار ماقتانىڭ جاڭا سورتىن شىعاردى

بۇل سورت ۆيلت اۋرۋىنا توزىمدىلىگىمەن ەرەكشەلەنەدى.

تۇركىستان وبلىسىندا "ماقتاارال-5027" اتتى جاڭا ماقتا سۇرپى بەلسەندى تۇردە ەنگىزىلىپ جاتىر، دەپ حابارلايدى aqshamnews.kz اۋىل شارۋاشىلىعى مينيسترلىگىنە سىلتەمە جاساپ.

"ماقتا جانە باقشا اۋىل شارۋاشىلىعى تاجىربيە ستانسياسى" عالىمدارى شىعارعان بۇل سورت ەرتە پىسەتىن توپقا جاتادى، وسكىننەن باستاپ العاشقى قاۋاشاقتىڭ اشىلۋىنا دەيىن 115–117 كۇن ۋاقىت كەتەدى.

"ونىمدىلىگى گەكتارىنا 43،4 سەنتنەرگە دەيىن جەتەدى. سورت ۆيلت اۋرۋىنا توزىمدىلىگىمەن ەرەكشەلەنەدى، اۋرۋعا شالدىعۋ دەڭگەيى تەك 0،1% قۇرايدى"، - دەپ جازىلعان حابارلامادا.

"ماقتاارال-5027" سورتى تالشىعىنىڭ شىعىمى 37–38%، ۇزىندىعى 33،5–33،7 مم. بۇتاسى كونۋس ءتارىزدى، جايىلمالى ەمەس، بيىكتىگى 120–125 سم. قاۋاشاقتارى دوڭگەلەك، ءسال بۇدىرلى، بەس جاپىراقتى، جاقسى اشىلادى جانە پىسىپ-جەتىلگەندە تۇسپەيدى. 1000 تۇقىمنىڭ سالماعى 122،5–124،2 گرامدى قۇرايدى.

اتالمىش سورت ماقتا كوبەلەگى مەن كارادريناعا ءتوزىمدى. سونىمەن قاتار تىڭايتقىشتارعا بەيىمدەلگەن، كەش سۋارۋعا ءتوزىمدى جانە مەحانيكالىق جيناۋعا ىڭعايلى.