عالىمدار جەردەگى تىرشىلىكتىڭ قاشان جويىلاتىنىن بولجادى

NASA: 1 000 002 021 جىلعا قاراي جەر ءومىر سۇرۋگە جارامسىز بولۋى مۇمكىن

جاپون عالىمدارى NASA ماماندارىمەن بىرلەسىپ جۇرگىزگەن زەرتتەۋ ناتيجەلەرى بويىنشا، شامامەن ءبىر ميلليارد جىلدان كەيىن جەر پلانەتاسى تىرشىلىككە جارامسىز كۇيگە ءتۇسۋى مۇمكىن، - دەپ حابارلايدى Aqshamnews.kz ءتىلشىسى 

زەرتتەۋشىلەردىڭ ايتۋىنشا، ۋاقىت وتە كەلە كۇننىڭ جارىقتىعى مەن تەمپەراتۋراسى بىرتىندەپ ارتادى، بۇل ءوز كەزەگىندە مۇحيتتاردىڭ بۋلانۋىنا جانە جەردىڭ اتموسفەراسىنىڭ بۇزىلۋىنا اكەلەدى.

الايدا عالىمدار ءقاۋىپتى وزگەرىستەر بۇدان دا ەرتەرەك بايقالۋى ىقتيمال ەكەنىن ەسكەرتەدى. مىسالى، ەكسترەمالدى كۇن داۋىلدارى اتموسفەرا قۇرامىنا اسەر ەتىپ، وتتەگى دەڭگەيىن كۇرت تومەندەتۋى مۇمكىن. مۇنداي جاعدايدا پلانەتانىڭ بەتى تىرشىلىك ءۇشىن قولايسىز ورتاعا اينالادى.

مامانداردىڭ پىكىرىنشە، بۇل ماسەلەدەن شىعۋدىڭ ءبىر جولى - جابىق اۆتونومدى ەكوجۇيەلەردى قۇرۋ جانە كۇن جۇيەسىنەن تىس ومىرگە جارامدى عالامشارلاردى ىزدەۋ. NASA ساراپشىلارى تەحنولوگيا دامۋىنىڭ ارقاسىندا ادامزات كۇننىڭ اسەرىنەن قورعانۋ تاسىلدەرىن تابا الادى جانە جەردەگى ءومىردىڭ جويىلۋ ۋاقىتىن ايتارلىقتاي كەيىنگە شەگەرە الادى دەپ سەنەدى.