G20 ەلدەرىنىڭ ۇكىمەت باسشىلارى مەن كوشباسشىلارى سالىق سالىمى بويىنشا ورتاق ەرەجەلەردى بەكىتتى
ريمدەگى سامميتكە قاتىسۋشىلار، اتاپ ايتقاندا، جاھاندىق كورپوراسيالار تابىسىنا سالىناتىن سالىقتى كەم دەگەندە 15 پايىز ەتۋدى كوزدەيتىن جوبانى قولدادى. ۆاشينگتون بۇل سالىق جەڭىلدىكتەرى بويىنشا باستامالاردى دوعارۋدىڭ باسى بولادى دەپ سانايدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
سامميت ءوز قاتىسۋشىلارىن الەمنىڭ كەدەي ەلدەرىن قوسىمشا ۆاكسينامەن قامتاماسىز ەتۋگە شاقىرۋمەن باستالدى.
«ءبىز دۇنيەجۇزىلىك دەنساۋلىق ساقتاۋ ۇيىمى العا قويعانداي، 2021 جىلدىڭ سوڭىنا قاراي الەم حالقىنىڭ 40% ۆاكسينالاۋ ماقساتىن يگەرۋگە جاقىنداپ قالدىق. ءبىز ءقازىر 2022 جىلدىڭ ورتاسىنا قاراي 70%-عا جەتۋ ءۇشىن بار كۇشىمىزدى سالۋىمىز كەرەك»، - دەدى يتاليا پرەمەر-مينيسترى ماريو دراگي.
جۇڭگو حالىق رەسپۋبليكاسى مەن رەسەي پرەزيدەنتتەرى سي سزينپين مەن ۆلاديمير پۋتين بەينەبايلانىس ارقىلى الەم قاۋىمداستىعىن COVID-19-عا قارسى ءارتۇرلى ۆاكسينالاردى ءوزارا جارامدىلىعىن مويىنداۋ تۋرالى كەلىسىمگە كەلۋگە شاقىردى.
ءپۋتيننىڭ مالىمدەمەسى "Sputnik V" ۆاكسيناسىن ددۇ مەن ەۋروپالىق دارى-دارمەك اگەنتتىگىندە تىركەۋ ماسەلەسى ۇزاققا سوزىلىپ جاتقان كەزدە جاسالدى.
اقپارات اگەنتتىكتەرى كليمات بويىنشا كەلىسسوزدەر الدەقايدا قيىن بولعانىن اتاپ ءوتتى. قورىتىندى قۇجاتتا، الدىن الا مالىمەتتەر بويىنشا، جەردەگى ورتاشا جىلدىق تەمپەراتۋرانىڭ 1،5 گرادۋستان استام ارتۋىنا جول بەرمەۋ بويىنشا جالپى ۇسىنىستار بولادى. كومىرتەگى بەيتاراپتىعى بويىنشا ناقتى مىندەتتەمەلەر مەن مەرزىمدەردى كەلىسۋ كەزىندە قيىندىقتار تۋىندادى.