الماتىنىڭ «قايراتى» الدا
فۋتزالدان قازاقستان كۋبوگىنىڭ يەگەرى انىقتالدى، دەپ حابارلايدى Almaty-akshamy.kz.
اتالعان ويىندا الماتىنىڭ «قايراتى» مەن رۋدنىيدىڭ «ايات» كوماندالارى شەبەرلىك بايقاستى. كەزدەسۋدە الماتىلىق كلۋب قارسىلاسىن 4:3 ەسەبىمەن تىزە بۇكتىردى.
وسىلايشا «قايرات» قازاقستان كۋبوگىنىڭ يەگەرى اتاندى.
ايتا كەتسەك، ەكى كوماندا بيىل چەمپيوندار ليگاسىنىڭ نەگىزگى كەزەڭىندە سىنعا تۇسەدى.
الماتىلىق «قايرات» 1-توپقا ءتۇستى. وندا قازاقستاندىق كلۋب يسپانيالىق «مالوركا»، فرانسيالىق «سپورتينگ پاريج» جانە بەلگيالىق «اندەرلەحت» كوماندالارىمەن شەبەرلىك بايقاسادى.
رۋدنىيلىق «ايات» 2-توپتا پورتۋگاليالىق «سپورتينگ»، حورۆاتيالىقتار «نوۆو ۆرەمە» جانە «پۋلا» كوماندالارىمەن سىنعا تۇسەدى.
نەگىزگى كەزەڭ ماچتارى 25-30 قازان ارالىعىندا وتەدى. ەليتالىق كەزەڭگە ءار توپتان ۇزدىك ءۇش كوماندا قاتىسادى. ەليتالىق كەزەڭ كەزدەسۋلەرى 22-27 قاراشاعا جوسپارلانعان.
ەسكە سالساق، فۋتزالدان قازاقستان قۇراماسى ازەربايجانمەن جولداستىق كەزدەسۋ وتكىزەدى.