فۋتزالدان چەمپيوندار ليگاسى: «قايرات» يسپانيالىق كلۋبپەن تەڭ ءتۇستى

ەندى «قايرات» 29 قازاندا فرانسيالىق «سپورتينگ پاريج» كومانداسىمەن شەبەرلىك بايقاسادى

قازاقستاندىق «قايرات» فۋتزالدان UEFA چەمپيوندار ليگاسىنىڭ نەگىزگى ساتىسىنداعى ەكىنشى ويىنىن وتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.

قازاقستاندىق كوماندا 2-توپتاعى ەكىنشى ويىنىندا يسپانيانىڭ «پالما» كلۋبىمەن شەبەرلىك بايقاستى. كەزدەسۋدى الماتىلىق كلۋب بەلسەندى باستادى. قارسىلاس كوماندا قاقپاسى ماڭىندا ءجيى شابۋىل ۇيىمداستىردى. دەگەنمەن «قايرات» ساپىنان دۋگلاس جۋنيور 8-مينۋتتا ءوزىنىڭ قاقپاسىنا گول سوعىپ الدى. ويىننىڭ 18-مينۋتىندا الماتىلىق كلۋبتان كايو رۋيس تارازى باسىن تەڭەستىردى.

ال 35-مينۋتتا شىڭعىس ەسەنامانوۆ «قايراتتى» العا شىعارسا، 38-مينۋتتا يسپانيالىق كلۋبتان روحاس قورىتىندى ەسەپتى بەلگىلەدى.
وسىلايشا قازاقستاندىق كوماندا قارسىلاسىمەن 2:2 ەسەبىمەن تەڭ ءتۇستى.

ەندى «قايرات» 29 قازاندا فرانسيالىق «سپورتينگ پاريج» كومانداسىمەن شەبەرلىك بايقاسادى.

ەسكە سالساق، بۇدان بۇرىن قازاقستاندىق كلۋب بەلگيالىق «حاللە-گوويك» كلۋبىمەن تەڭ ءتۇستى.
سونداي-اق، ءقازىر قازاقستاندىق «ايات» كومانداسى ءبىرىنشى كەزەڭنەن كەيىن پورتۋگاليالىق «سپورتينگتەن» 1:5 ەسەبىمەن جەڭىلۋدە.