«استانا ارەنا» ستاديونىندا فۋتبولدان قازاقستان ايەلدەر قۇراماسى ارمەنيانى قابىلدادى، دەپ حابارلايدى almaty-akshamy.kz.
بۇل قازاقستان كومانداسىنىڭ ۋەفا-نىڭ ۇلتتار ليگاسىنداعى سوڭعى، التىنشى ماچى ەدى.
ءبىرىنشى تايمدا 40-مينۋتتا قازاقستان قۇراماسىنىڭ كاپيتانى يۋليا مياسنيكوۆا ەسەپ اشتى.
ەكىنشى كەزەڭنىڭ 48-مينۋتىندا ايدا گايستەنوۆا ەسەپتى 2:0-گە جەتكىزدى. اراعا ون مينۋت سالىپ يۋ.مياسنيكوۆا ەكىنشى گولىن سوقتى. 68-مينۋتتا ارمەنيا ويىنشىسى كلاۋديا چولاكيان ايىپ دوبىن ورىندادى. دوپ قازاقستان قاقپاشىسى انگەلينا پورتنوۆانىڭ ارقاسىنا ءتيىپ، قاقپاعا كىرىپ كەتتى. ال ارادان ءۇش مينۋت وتكەندە، ياعني ماچتىڭ 71-مينۋتتا كاميلا قۇلماعامبەتوۆانىڭ قاقپاعا باعىتتاعان دوبى نىساناعا ءتيىپ ەسەپ – 4:1 بولدى.
التى تۋردىڭ قورىتىندىسى بويىنشا ماديار كەمبىلوۆ جاتتىقتىراتىن قازاقستان س4 توبىندا 8 ۇپايمەن ءۇشىنشى ورىنعا يە بولدى. يزرايل (16 ۇپاي) كوش باستاسا، ەستونيا (10 ۇپاي) ەكىنشى ساتىعا جايعاستى. ال ارمەنيادا بىردە-بىر ۇپاي جوق.