فۋتبولدان پرەمەر-ليگا كوماندالارى اراسىنداعى ەل بىرىنشىلىگىنىڭ 16-تۋرىندا قوستانايدىڭ «توبىلى» تۇركىستاندا «تۇرانمەن» تەڭ ءتۇستى، دەپ حابارلايدى Almaty-akshamy.kz Inform.kz-كە سىلتەمە جاساپ.
ويىن بارىسىندا قوس كوماندا جەڭىسكە جەتۋ جولىن ىزدەدى. تۋرنير كەستەسىندە كوش باسىندا كەلە جاتقان «توبىل» جىلدام گول سوعۋ مۇمكىندىگىن قاراستىردى. وعان الاڭ يەلەرى لايىقتى قارسىلىق كورسەتتى. ءبىرىنشى كەزەڭدە تابلوداعى ەسەپ وزگەرگەن جوق.
ەكىنشى كەزەڭنىڭ 60-مينۋتىندا تۇركىستاندىق كلۋبتان شوقان ابزالوۆ ەسەپ اشسا، 83-مينۋتتا چيدي وسۋچۋكۆۋ ەسەپتى ۇلعايتا ءتۇستى. وسىدان كەيىن 86-مينۋتتا سەرگەي مالىي ءبىر گولمەن قايىرسا، 98-مينۋتتا دۋشان يوۆانچيچ پەنالتيدەن تارازى باسىن تەڭەستىردى. ەندى 2 شىلدەدە «شاحتەر» مەن «اقتوبە»، «اتىراۋ» مەن «تاراز»، 3 شىلدەدە «استانا» مەن «ماقتاارال»، «قايرات» پەن «اقجايىق»، «اقسۋ» مەن «قىزىلجار» كوماندالارى جاسىل الاڭعا شىعادى. ال 4 شىلدەدە «ورداباسى» مەن «كاسپيي» كوماندالارى كەزدەسەدى .