استانادا 12 جاسقا دەيىنگى سپورت مەكتەپتەرىنىڭ تاربيەلەنۋشىلەرى اراسىندا فۋتبولدان قازاقستان رەسپۋبليكاسىنىڭ چەمپيوناتى ءوتىپ جاتىر، دەپ حابارلايدى Almaty-akshamy.kz ەلوردا اكىمدىگىنىڭ سايتىنا سىلتەمە جاساپ.
ۇزدىك كوماندا اتاعى ءۇشىن قازاقستاننىڭ 12 وڭىرىنەن: استانا، شىمكەنت، الماتى قالالارى، اقتوبە، قىزىلوردا، جامبىل، تۇركىستان، ماڭعىستاۋ، جەتىسۋ، قاراعاندى، قوستاناي، پاۆلودار وبلىستارىنان 250-دەن استام سپورتشى تالاسادى.استانا قالاسى اكىمدىگىنىڭ №8 بالالار-جاسوسپىرىمدەر وليمپيادالىق رەزەرۆ مەكتەبىنىڭ باسشىسى دىنمۇحاممەد قۇرامايەۆ اتالمىش تۋرنيرگە ءوز باعاسىن بەردى:«12 جاسقا دەيىنگىلەر اراسىندا ۇيىمداستىرىلىپ جاتقان قازاقستان چەمپيوناتىڭ دەڭگەيىنە رازىمىن. جاسوسپىرىمدەر اراسىندا كوپ تۋرنير بولعان سايىن، شاكىرتتەرىمىزدىڭ دەڭگەيى ارتاتىنى ءسوزسىز. ماعان ەڭ ۇنايتىنى — 12 جاسقا دەيىنگى فۋتبولشىلار ەموسياعا ەرىك بەرىپ، شىنايى وينايدى»، – دەدى ول.
تۋرنير 17-25 تامىز ارالىعىندا «جاس باتىر» ستاديونىندا وتەدى.
