كاتاردا ءوتىپ جاتقان فۋتبولدان الەم چەمپيوناتى فينالىندا پولشالىق شيمون مارسينياك باس تورەشى قىزمەتىن اتقارادى، دەپ حابارلايدى Almaty-akshamy.kz Inform.kz-كە سىلتەمە جاساپ.
الەم چەمپيوناتى فينالىندا ارگەنتينا جانە فرانسيا قۇرامالارى كەزدەسەدى.
اتالعان ويىنعا شيمون مارسينياك باس تورەشى بولىپ بەكىتىلدى. وعان وتانداستارى پاۆەل سوكولنيسكيي مەن توماش ليستكيەۆيچ كومەكشىلىك جاسايدى.
پولشالىق تورەشى فينالدا كەزدەسەتىن ەكى قۇرامانىڭ دا بۇعان دەيىنگى ويىندارىندا قىزمەت اتقاردى. ول توپتىق كەەزڭدەگى ەكىنشى تۋردا فرانسيا مەن دانيا (2:1)، 1/8 فينالاعى ارگەنتينا مەن اۆستراليا (2:1) كەزدەسۋلەرىندە تورەشىلىك ەتتى.
فينالداعى ارگەنتينا جانە فرانسيا قۇرامالارى كەزدەسۋى 18 جەلتوقساندا ەلوردا ۋاقىتىمەن 21.00-دە «Qazaqstan» جانە «Qazsport» تەلەارنالارىنان تىكەلەي ەفيردە كورسەتىلەدى.