2023 جىلى 28 مامىردا الماتى قالاسى جاستار ساياساتى باسقارماسىنىڭ قولداۋىمەن، الماتى قالاسى جاستار ساياساتىن دامىتۋ مەملەكەتتىك قورى جانە «Funky Dance» بي ورتالىعىمەن بىرلەسىپ ۇيىمداستىرعان جاڭادان باستاۋشى بيشىلەرگە ارنالعان «Fun Box» باتلى ءوتتى.
باتل اركىمگە ءوزىنىڭ بي ونەرىن كورسەتۋگە مۇمكىندىك بەردى. جاڭادان باستاعاندار ما، الدە تاجىريبەلەرى بار ما، ءبارى دە بيگە دەگەن قۇمارلىعىن كورسەتىپ، باسقا دارىندى بيشىلەرمەن باسەكەگە تۇسە الدى.
«ءبىز ءاربىر قاتىسۋشىعا ءوزىنىڭ ەرەكشەلىگىن سەزىنۋگە جانە بىرەگەي ءبيشى بولۋعا كومەكتەسۋگە تىرىستىق. ءىس-شارا بارىسىندا DJ مەن MC، تورەشىلەر ءوز بىلىمدەرىمەن جانە شابىتتارىمەن ءبولىستى. باتلعا 12 جاسقا دەيىنگى بالالار مەن بيمەن 3 جىلعا دەيىن اينالىسقان بيشىلەر قاتىستى»، - دەپ ءتۇسىندىردى «Funky Dance» بي ورتالىعىنىڭ نەگىزىن قالاۋشى مارات ياگفاروۆ.
ءادىلقازىلار القاسى Kama، b-boy Fix ي Nadi Ihow Kz سياقتى تانىمال بيشىلەردەن قۇرالدى. ال، MC QuickSan، DJ Almas ي DJ Mukash ەنەرگيا مەن پوزيتيۆكە تولى اتموسفەرا قۇردى.
باتلدا «hip-hop kids، hip-hop beginners، breaking kids، breaking beginners، waacking beginners جانە all styles beginners» سياقتى ءارتۇرلى نوميناسيالار بولدى. وسىلايشا، قاتىسۋشىلار وزدەرىنىڭ تالعامدارىنا سايكەس كەلەتىن ءستيلدى تاڭداۋ مۇمكىندىگىنە يە بولدى. جەڭىمپازدار ماقتاۋ قاعازدارىمەن جانە سىيلىقتارمەن ماراپاتتالدى.
بۇل جاس جانە تالانتتى بيشىلەردىڭ باسىن قوسىپ، سيقىرلى اتموسفەرانى تۋدىرعان جانە بارلىعىن كەرەمەت بي قويىلىمدارىنا شابىتتاندىرعان ۇمىتىلماس كۇن بولدى!