فرانسياداعى پرەزيدەنت سايلاۋىندا ماكرون جەڭىسكە جەتتى

ول سايلاۋشىلاردىڭ 58،55 پايىز داۋىسىنا يە بولدى

فرانسيادا وتكەن پرەزيدەنت سايلاۋىنىڭ ەكىنشى تۋرىندا ەلدىڭ  قازىرگى پرەزيدەنتى ەممانۋەل ماكرون جەڭىسكە جەتتى، دەپ حابارلايدى Almaty-akshamy.kz «حابار 24» تەلەارناسىنا سىلتەمە جاساپ. 

ساياسي دودانىڭ قورىتىندىسى بويىنشا، ول سايلاۋشىلاردىڭ 58،55 پايىز داۋىسىنا يە بولدى. وسىلايشا ماكرون – پرەزيدەنتتىك لاۋازىمدا ەكىنشى مەرزىمگە سايلانعان فرانسيانىڭ ءۇشىنشى پرەزيدەنتى. ال سايلاۋدا ماكروننىڭ باستى قارسىلاسى - اسىرەۇلتشىل «ۇلتتىق بىرلەستىك» پارتياسىنىڭ جەتەكشىسى مارين ءلو پەن 41،45 پروسەنت داۋىس جيناعان. لە پەن جەڭىلگەنىن مويىنداپ، ساياسي كۇرەسىن پارلامەنت سايلاۋىندا جالعاستىراتىنىن ءمالىم ەتتى. 

ايتا كەتەيىك، فرانسيادا مەملەكەت باسشىسى جالپىعا بىردەي تىكەلەي داۋىس بەرۋ ارقىلى سايلانادى. ەلدە 49 ميلليونعا جۋىق ازاماتتىڭ داۋىس بەرۋ قۇقىعى بار. وسى جولى ونىڭ 63 پروسەنتى عانا سايلاۋعا قاتىسقان. 

«سىزدەر گۋمانيستىك جوبا، ەلىمىزدىڭ تاۋەلسىزدىگىنە باعىتتالعان بيىك مۇرات، ەۋروپانىڭ يگىلىگى ءۇشىن داۋىس بەردىڭىزدەر. رەسپۋبليكالىق قۇندىلىقتار، الەۋمەتتىك-ەكولوگيالىق وڭدى جوبىنا تاڭدادىڭىزدار. بۇل ءىس جانكەشتى ادال ەڭبەك پەن جاسامپازدىققا نەگىزدەلگەن. ءبىز مادەني جانە كاسىپكەرلىك جاعىنان كۇشەيە تۇسەمىز. رەسپۋبليكا جاساسىن! فرانسيا جاساسىن!» - دەدى فرانسيا پرەزيدەنتى ەممانۋەل ماكرون.