فرانسيادا سوعىس جىلدارى قازا تاپقان قازاقستاندىق جاۋىنگەرلەرگە تاعزىم ەتىلدى، دەپ حابارلايدى aqshamnews.kz
ەسكە الۋ شاراسى و-دە-فرانس ايماعىنداعى نۋايە-سان-مارتەن زيراتىندا ءوتتى. بۇل – كەڭەس اسكەرى جاۋىنگەرلەرىنە ارنالعان فرانسياداعى ەڭ ۇلكەن قورىم.
جەڭىستىڭ 80 جىلدىعىنا وراي ۇيىمداستىرىلعان راسىمگە "24KZ" تەلەارناسىنىڭ اقپاراتىنشا، قازاقستان، رەسەي، ازەربايجان، بەلارۋس، ارمەنيا جانە تاجىكستاننىڭ ديپلوماتتارى قاتىستى. ولار ەسكەرتكىشتەرگە گۇل شوقتارىن قويىپ، ءبىر مينۋت ۇنسىزدىك جاريالاندى.
"سۇراپىل سوعىس جىلدارى كەڭەس وداعىنىڭ 27 ملن ازاماتى قازا تاپتى. ولاردىڭ 20 ميلليونى قاتارداعى جاۋىنگەرلەر. وسى زيراتتا كەڭەس اسكەرىنىڭ بىرنەشە مىڭ ساربازى جەرلەنگەن. كەيبىرى فرانسياعا كەنىش پەن زاۋىتتا جۇمىس ىستەۋگە جىبەرىلدى. ءبىراق، كوبى قارسىلاسۋ قوزعالىسىنا قوسىلدى. ولار كەڭەس اسكەرىنىڭ جاۋىنگەرى بولا تۇرا، فرانسيانىڭ ەركىندىگى ءۇشىن ەرلىكپەن كۇرەستى"، دەدى تاريح جونىندەگى قاۋىمداستىقتىڭ جەتەكشىسى سيلۆان پينار.