سايلاۋدىڭ ەكىنشى كەزەڭى ەكى اپتادان كەيىن – 24 ءساۋىر كۇنى وتەدى
10 ءساۋىر، جەكسەنبى كۇنى وتكەن فرانسياداعى پرەزيدەنتتىك سايلاۋدىڭ ءبىرىنشى تۋرىنىڭ ناتيجەسى جاريالاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
Euronewsء-تىڭ مالىمەتىنشە، قازىرگى پرەزيدەنت ەممانۋەل ماكرون 27،4 % داۋىس جيناپ، جەڭىسكە جەتتى.
ەكىنشى ورىندى «ۇلتتىق قاۋىمداستىق» پارتياسىنىڭ ءتوراعاسى مارين لە پەن 24،0% داۋىس يەلەنگەن.
ساراپشىلاردىڭ بولجاۋىنشا، ساياسي ناۋقاننىڭ ءبىرىنشى تۋرىنداعى سايلاۋشىلار سانى سالىستىرمالى تۇردە تومەن بولىپ شىقتى – 74،84%. بۇل كورسەتكىش 2007 جىلعى سايلاۋدا 83%-دان استام بولعان.
پرەزيدەنتتىك سايلاۋدان شىعىپ قالعان ۇمىتكەرلەردىڭ كوپشىلىگى ءوز جاقتاستارىن ەكىنشى تۋردا ەممانۋەل ماكروندى قولداۋعا شاقىردى.
سايلاۋدىڭ ەكىنشى كەزەڭى ەكى اپتادان كەيىن - 24 ءساۋىر كۇنى وتەدى.