فرانسيادا كوروناۆيرۋستىڭ بەسىنشى تولقىنى باستالدى

كيپر پرەزيدەنتى انتيۆاكسەرلەرگە قاتىستى قاتاڭ شارالار قابىلدايتىنىن مالىمدەدى

قازاقستاندا كوروناۆيرۋستىڭ تارالۋىنا قارسى ۆەدومستۆوارالىق كوميسسيا الەمدەگى ەپيدەميولوگيالىق احۋالعا شولۋ جاسادى، دەپ حابارلايدى Almaty-akshamy.kz.

فرانسيا بيلىگى كوروناۆيرۋستىڭ بەسىنشى تولقىنى «قارقىندى» باستالعانىن مالىمدەدى.
مينيسترلەر كابينەتىنىڭ ءتوراعاسى گابريەل اتتالدىڭ ايتۋىنشا، ءبىر اپتا ىشىندە كوروناۆيرۋس ينفەكسياسىن جۇقتىرۋدىڭ جاڭا جاعدايلارى 80% ءوستى.
كۇن سايىن ورتاشا ەسەپپەن 17 مىڭ Covid-19 جاڭا جاعداي تىركەلەدى.
ينفەكسيا جۇقتىرۋدىڭ اپتانىڭ باسىندا 100 مىڭ ادامعا 100 جاعداي تۋرا كەلسە، قازىرگى ۋاقىتتا 100 مىڭ تۇرعىنعا شاققاندا 164 جاعداي تىركەلدى.

يتاليانىڭ فارماسيەۆتيكالىق رەتتەۋشى مەكەمەسىنىڭ باسشىسى ەل حالقىنىڭ ۆاكسينانىڭ ءۇشىنشى دوزاسىن قابىلداۋىن جاقتادى.
نيكولا ماگريني حابارلاعانداي، بيلىك ۆاكسينانىڭ تولىق سيكلىن العان مەرزىم مەن ۇدەتكىش دوزاسىن قابىلداۋ ۋاقىتىن بەس ايعا دەيىن قىسقارتۋدى قاراستىرۋدا.
قازىرگى ۋاقىتتا ۆاكسينانىڭ ءۇشىنشى دوزاسىن دەنساۋلىعى ناشار ادامدار جانە 60 جاستان اسقان تۇرعىندار الا الادى.

كيپر پرەزيدەنتى انتيۆاكسەرلەرگە قاتىستى قاتاڭ شارالار قابىلدايتىنىن مالىمدەدى.
نيكوس اناستاسياديس تۇرعىنداردىڭ يممۋنداۋ كۋرسىن اياقتاۋ ءۇشىن نەمەسە ۆاكسينانىڭ ءبىرىنشى كومپونەنتىن قابىلداۋ ءۇشىن ەكى-ۇش اپتالىق كەزەڭ بەرىلەتىنىن اتاپ ءوتتى.
ءوز سوزىندە پرەزيدەنت «بۇل مۇمكىندىكتەن كەيىن، ارينە، شارالار كۇشەيتىلەدى»- دەپ حابارلادى.