الەمدە جىل سايىن 92 ميلليون توننا كيىم قوقىسقا كەتەدى، دەپ حابارلايدى اlmaty-akshamy.kz 24KZ-كە سىلتەمە جاساپ. سونىڭ 700 مىڭ تونناسى فرانسياعا تيەسىلى. وسىنشاما ىسىراپپەن كۇرەسۋ ءۇشىن ەل بيلىگى كيىم-كەشەك ءوندىرۋ ءىسى بويىنشا جاڭا زاڭ قابىلداماق.
فرانسيا – ناعىز ءسان مەن ءسانقويلاردىڭ وتانى. ستاتيستيكانى سويلەتسەك، وسىدان 10 جىل بۇرىن ءبىر تۇرعىن ءبىر جىلدا 30 كيىم السا، ءقازىر فرانسۋزدار ءبىر باسىنا ورتاشا ەسەپپەن 50 شاقتى كيىم الادى. بۇل – ءبىر جاعىنان، ىسىراپ، ەكىنشى جاعىنان، قورشاعان ورتانى لاستاۋشى قوقىس، – دەيدى ساراپشىلار.
انن-سەسيل، ۆيوللان-ۇلتتىق اسسامبلەيانىڭ دەپۋتاتى:
- توقىما ونەركاسىبى بارلىق پارنيكتىك گازدار شىعارىندىلارىنىڭ شامامەن 10% قۇرايدى. بۇل ۇدەرىس وسىلاي جالعاسا بەرسە، 2050 جىلعا قاراي كورسەتكىش 26% جەتۋى مۇمكىن. سونداي-اق پوليەستەر – ەڭ كوپ وندىرىلەتىن ماتەريال. ونى ءوندىرۋ ءۇشىن جىل سايىن 70 ميلليون باررەل مۇناي قاجەت.
كەيىنگى 30 جىل ىشىندە فرانسياداعى كيىم ونەركاسىبىندە جۇمىس ورىن سانى 3 ەسەگە قىسقارعان. سەبەبى قىمبات برەندتىك تاۋارلاردى ارزان ءارى جىلدام تىگىلەتىن كيىم-كەشەكتەر الماستىردى. بۇل ەكولوگيالىق تۇرعىدان عانا ەمەس، ەكونوميكاعا دا ايتارلىقتاي اسەر ەتەدى. وسىعا قاتىستى جاڭا زاڭ جىلدام سانگە، ونىڭ جارناماسىنا شەكتەۋلەر ەنگىزۋدى كوزدەيدى.
گۇلنۇر مامەجانوۆا، ديزاينەر:
- بىرىنشىدەن، مەن وتە قولدايمىن. قازاق ايتادى عوي «ىسىراپ» دەپ. COVID-تەن كەيىن نە تاماققا بولسا دا، نە كيىمگە بولسا دا، ءبىز نەعۇرلىم بەرەكەلى، جاڭاعى ساپالى دەيدى عوي، پايدالى ومىرگە كەلە جاتىرمىز. اقىرىنداپ. جاڭاعى ەسكى كيىمدەردى لاقتىرماۋ، ىسىراپ ەتپەۋ.
قىمبات، ءبىراق ساپاسى مىقتى كيىمدەردى كيىپ، فرانسۋز حالقى ىسىراپ ەتپەۋدى جاڭاعى سانالى تۇردە باعالايدى. جاڭا زاڭ ارزان ءارى ساپاسىز كيىمدەردى شامادان تىس ءوندىرۋدى شەكتەۋدى كوزدەيدى. سونداي-اق قىمبات كيىم-كەشەكتەر قاراپايىم تۇتىنۋشىلارعا قولجەتىمدى بولۋ ءۇشىن ءىشىنارا بيۋدجەتتەن ارنايى تولەمدەر ءبولۋ جاعى قاراستىرىلعان.