ءساۋىر ايىندا فرانسيادا پرەزيدەنت سايلاۋى وتەدى.
فرانسيا پرەزيدەنتى ەممانۋەل ماكرون مەملەكەت ازاماتتارىنان رەسپۋبليكا پرەزيدەنتى رەتىندەگى جاڭا مانداتقا سەنىم ارتۋدى سۇرادى، دەپ حابارلايدى Almaty-akshamy.kz Interfax.ru سىلتەمە جاساپ.
«مەن سىزدەرمەن بىرگە عاسىردىڭ سىن-قاتەرلەرىنە فرانسۋزدىق جانە ەۋروپالىق ناقتى جاۋاپ تابۋعا تىرىساتىن ۇمىتكەرمىن. مەن الەمدەگى سىلكىنىستەردەن ءقاۋىپ تونگەن قۇندىلىقتارىمىزدى قورعاۋعا ۇمىتكەرمىن. بالالارىمىز بەن نەمەرەلەرىمىزدىڭ بولاشاعىن دايىنداۋعا ۇمىتكەرمىن»، - دەلىنگەن ماكروننىڭ بەيسەنبى كۇنى كەشكە فرانسۋز باقتارىندا جاريالاعان حالىققا ارنالعان جولداۋىندا.
ونىڭ پىكىرىنشە، ۇلت «كەرەمەت جىلدامدىقپەن كۇيزەلىستەردى» باستان كەشىرىپ وتىر. ونىڭ ايتۋىنشا، دەموكراتياعا ءقاۋىپ ءتونىپ تۇر، تەڭسىزدىك ارتىپ كەلەدى، كليمات وزگەرىپ جاتىر.
«سوندىقتان مەن سىزدەن رەسپۋبليكا پرەزيدەنتى رەتىندەگى جاڭا مانداتقا سەنىم ءبىلدىرۋىڭىزدى سۇرايمىن»، - دەپ ءتۇسىندىردى ماكرون.
ول الداعى ءساۋىر ايىندا وتەتىن پرەزيدەنتتىك سايلاۋعا قاتىستى جوسپارلارى تۋرالى ۇزاق ۋاقىتتان بەرى ايتپاي كەلگەن.
فرانسۋز باق-تارىندا جاريالانعان سوڭعى بولجامدار بويىنشا، پرەزيدەنتتىك سايلاۋ ناۋقانىنا قاتىسۋشىلار اراسىندا ماكرون ەڭ جوعارى رەيتينگكە يە. ەكىنشى ورىندا «ۇلتتىق قاۋىمداستىقتىڭ» كانديداتى مارين لە پەن تۇر. دەگەنمەن ساۋالنامالار ماكرون سايلاۋدىڭ ەكىنشى تۋرىندا جەڭىسكە جەتەدى دەپ بولجاپ وتىر.