تۋريزم جانە سپورت مينيسترلىگىنىڭ قولداۋىمەن فرانسيالىق Accor قوناق ءۇي توبى جانە ALAZAR GROUP ج ش س اراسىندا بىرلەسكەن ىنتىماقتاستىق تۋرالى كەلىسىمشارتقا قول قويىلدى.
قۇجاتقا قول قويۋ راسىمىنە تۋريزم جانە سپورت ءمينيسترى ەرمەك مارجىقپايەۆ، ۇلتتىق ەكونوميكا ءبىرىنشى ۆيسە-مينيسترى تيمۋر جاقسىلىقوۆ، تۋريزم جانە سپورت مينيسترلىگى تۋريزم يندۋسترياسى كوميتەتى ءتوراعاسىنىڭ م.ا. نۇرتاس كارىپبايەۆ، پاۆلودار وبلىسى اكىمدىگىنىڭ وكىلى، New East Europe وڭىرىندەگى Accor باس ديرەكتورى الەكسيس دەلاروفف جانە ALAZAR GROUP ج ش س جانە Orient Finance Group ج ش س وكىلى رۋسلان شاەكين قاتىستى، دەپ حابارلايدى Almaty-akshamy.kz.
مەملەكەت باسشىسى ينۆەستيسيالىق الەۋەتتى ارتتىرۋ جانە تۋريزم سالاسىندا كاسىپكەرلىكتى دامىتۋ ءۇشىن بارىنشا قولايلى جاعدايلار جاساۋ جونىندە شارالار كەشەنىن قابىلداۋ قاجەتتىگىن ۇنەمى ايتىپ كەلەدى. 2023 جىلدىڭ قورىتىندىسى بويىنشا نەگىزگى كاپيتالعا سالىنعان ينۆەستيسيا كولەمى 800 ملرد تەڭگەگە جەتتى. بۇل – الدىڭعى جىلمەن سالىستىرعاندا 1،5 ەسە كوپ (2022 جىلى 513 ملرد تەڭگە)، ال ورنالاستىرۋ ورىندارىنىڭ سانى العاش رەت ءتورت مىڭنان استى.
«قوناقجاي يندۋسترياسىندا ءار الۋان جانە تولىقتاي ينتەگراسيالانعان ەكوجۇيەلەرى بار Accor قوناق ءۇي جەلىسى ورنالاستىرۋ ورىندارى بويىنشا جوبالاردى ىسكە اسىرۋى ەلىمىزدەگى تۋريزم سالاسىن دامىتۋعا زور ۇلەس قوسادى دەپ ۇمىتتەنەمىن. الەمگە ايگىلى حالىقارالىق كومپانيامەن ىنتىماقتاستىق ورناتۋ، تاجىريبە الماسۋ جەمىستى جانە تابىستى كەلىسىم بولادى دەگەن سەنىمدەمىز»، - دەپ اتاپ ءوتتى ەرمەك مارجىقپايەۆ.
Accor – الەمنىڭ 110-نان اسا ەلىندە ساۋىقتىرۋ ورتالىقتارى مەن كوۆوركينگتەر، 5500 قوناق ءۇي، 10 000 مەيرامحانا مەن بارلاردى بىرىكتىرەتىن الەمدەگى جەتەكشى قوناق ءۇي توبى. اتالعان كومپانيا قوناقجاي يندۋسترياداعى ءارالۋان جانە تولىقتاي ينتەگراسيالانعان ەكوجۇيەلەر بار.