فرانسيانىڭ مەملەكەتتىك مەكتەپتەرىندە جاڭا وقۋ جىلىندا قىزداردىڭ جاۋلىق تاعۋىنا عانا ەمەس، سونىمەن قاتار، مۇسىلمانشا ابايا، ياعني، ۇزىن ءارى كەڭ كويلەك كيۋىنە تىيىم سالىنادى.
مۇنى وسى ەلدىڭ ءبىلىم ءمينيسترى گابريەل اتتال مالىمدەدى، دەپ حابارلايدى Almaty-akshamy.kz
«سىنىپتاردا وقۋشىلاردىڭ سىرتقى كورىنىسى بىردەن ءدىندى بايقاتپاۋى كەرەك»، - دەيدى ول.
فرانسيا حالقىنىڭ 5 ميلليونى - مۇسىلماندار. وڭشىل ساياساتكەرلەر مۇسىلمانشا كيىمگە قاتىستى تىيىمدى كۇشەيتۋدى قولداپ وتىرسا، سولشىلدار مۇنداي زاڭدار ايەلدەر مەن ءدىن جولىنداعىلاردىڭ قۇقىعىن تاپتايدى دەپ ەسەپتەيدى.