فرانسيا كۆي-دىڭ جاڭا تولقىنىن بولدىرماس ءۇشىن ۆاكسينالاۋ قارقىنىن كۇشەيتەدى

قاتاڭ كارانتيندى بولدىرماس ءۇشىن تۇرعىنداردى ۆاكسينالاۋدى تەزدەتۋ قاجەت.

فرانسيانىڭ دەنساۋلىق ساقتاۋ ءمينيسترى وليۆە ۆەراننىڭ ايتۋىنشا، رەسپۋبليكادا كوروناۆيرۋس پاندەمياسىنىڭ جاڭا تولقىنى باستالىپ جاتىر، دەپ حابارلايدى Almaty-akshamy.kz قازاقپارات cايتىنا سىلتەمە جاساپ.

وليۆە ۆەران فرانسيا راديوسىنا بەرگەن سۇحباتىندا شىلدە ايىنان باستاپ ەلدە ۆيرۋس جۇقتىرۋ وقيعالارىنىڭ سانى قايتا ءوسىپ جاتقانىن، ءبىراق COVID-19 دياگنوزى قويىلعان پاسيەنتتەردى اۋرۋحاناعا جاتقىزۋ كورسەتكىشى ازىرگە تومەندەپ وتىرعانىن مالىمدەدى.

فرانسيا اۋرۋ جۇقتىرۋ ءوسىمىن COVID-19 "دەلتا" شتامىنىڭ تارالۋىمەن بايلانىستىرىپ وتىر.

«ەگەر وسىنداي ءۇردىس ساقتالسا، بۇل اۋرۋحاناعا جاتقىزۋ كولەمىنىڭ وسىمىنە اكەلەدى»، - دەپ ەسكەرتتى مينيستر وليۆە ۆەران.

فرانسيا بيلىگى پاندەميانىڭ جاڭا تولقىنىنىڭ جاقىنداۋىن باسەڭدەتىپ، قاتاڭ كارانتيندى بولدىرماس ءۇشىن تۇرعىنداردى ۆاكسينالاۋدى تەزدەتۋ قاجەت دەپ ساناپ وتىر. 

فرانسيا پرەزيدەنتى ەممانيۋەل ماكرون قورعانىس كەڭەسىنىڭ وتىرىسىن وتكىزىپ، وندا دەنساۋلىق ساقتاۋ سالاسى قىزمەتكەرلەرىن مىندەتتى ۆاكسينالاۋ ماسەلەسى ورتاعا سالىنادى. 10 شىلدەدە فرانسيادا COVID-19 ۆيرۋسىن جۇقتىرۋدىڭ 4696 جاڭا فاكتىسى تىركەلگەن، بۇل ءبىر اپتا بۇرىن تىركەلگەن كورسەتكىشتەن (3006) ءبىر جارىم ەسە كوپ.