فرانسيا اتوم ەنەرگەتيكاسىن وتكەن عاسىردىڭ ورتاسىنان باستاپ دامىتا باستادى. ۇكىمەت اەس-تى نەگىزگى ەنەرگيا كوزى رەتىندە تاڭداۋدىڭ ەلگە تاۋەلسىزدىك پەن تۇراقتى، باسەكەگە قابىلەتتى ەلەكتر ەنەرگياسىنىڭ قۇنىن قامتاماسىز ەتەتىنىن ءتۇسىندى. قازىرگى ۋاقىتتا اەس فرانسيانىڭ ەنەرگەتيكالىق قاۋىپسىزدىگىنىڭ ماڭىزدى ەلەمەنتى بولىپ تابىلادى، ويتكەنى ەلدە تابيعي رەسۋرستار شەكتەۋلى.
بۇگىنگى تاڭدا فرانسيا ەۋروپاداعى ەڭ از پارنيكتىك گازدار شىعاراتىن مەملەكەت بولىپ سانالادى. ەلدە 61 رەاكتور جۇمىس ىستەيدى، ولار جالپى ەنەرگيانىڭ 75%-ىن وندىرەدى، ال اەس-تەردىڭ ورتاشا جاسى – 28 جىل.
فرانسيا الەمدەگى ەڭ ءىرى ەلەكتر ەنەرگياسىن ەكسپورتتاۋشى مەملەكەت. وندىرىلگەن ەلەكتر ەنەرگياسى ەلدىڭ قاجەتتىلىگىنەن 20%-عا ارتىق، ال ونىڭ ارتىق كولەمى يتاليا، ۇلىبريتانيا، شۆەيساريا جانە يسپانياعا ەكسپورتتالىپ، جىلىنا شامامەن 3 ميلليارد ەۋرو تابىس اكەلەدى.
اەس-تەر فرانسياعا ەۋروپاداعى ەڭ تومەنگى ەلەكتر ەنەرگياسى باعاسىن ۇسىنۋعا مۇمكىندىك بەردى. ءتىپتى سۋبسيديالاردى ەسەپكە العاندا دا ەلەكتر ەنەرگياسىنىڭ بولشەك باعاسى تومەن دەڭگەيدە. رەاكتورلاردىڭ وپەراتورى – Elektrite de France، الەمدەگى ەڭ ءىرى اتوم ەلەكتر ستانسيالارىن باسقاراتىن كومپانيا، ونىڭ 85%-ى مەملەكەتكە تيەسىلى.
سونىمەن قاتار، فرانسيا اەس قالدىقتارىن وڭدەۋ جانە جويۋ جۇمىستارىمەن بەلسەندى اينالىسادى جانە ءتورتىنشى بۋىن رەاكتورلارىن ازىرلەۋ جوبالارىنا قاتىسادى.